Tarim néfitlikidin Uyghurlargha menpe'et yétiwatqanliqi tekitlendi

Muxbirimiz eziz
2021-01-12
Share

Yéqinqi birnechche heptide xitay hökümitining "Xitayning énérgiye bazisi" dep atiliwatqan Uyghur diyaridin xitay ölkilirige künige qanche milyon dollar qimmitidiki néft we tebi'iy gaz toshup kétiwatqanliqi, buning bilen sherqiy xitay tewesidiki 15 ölkide yashawatqan 400 milyondin artuq xitayning issinish we turmush mesilisining hel bolghanliqi heqqide köp qétimlap xewer bérilgen idi. 11-Yanwar küni xitay hökümiti ushtumtut yéngi uchur tarqitip, tarim néfitlikining tarim wadisidiki töt milyondin artuq xelqni gaz bilen teminlewatqanliqini tekitlidi.

Xitay hökümiti bashqurushidiki "Shinxu'a agéntliqi" ning 11-yanwardiki xewiride éytilishiche, 2020-yili ichide tarim néfitlikidin töt milyard kup métirdin köprek tebi'iy gaz tarim wadisidiki herqaysi sheherlerge toshulghan. Shundaqla üch ming kilométir uzunluqtiki gaz turubisi buninggha yéngi hayatiy küch ata qilghan.

Halbuki, xewerde gaz bilen teminliniwatqan köp qisim orunlarning herqaysi bingtu'enlerdiki 42 nahiye we sheherler ikenlikimu alahide tilgha élin'ghan. Bezi analizchilar bu halgha qarap "Xitay hökümitining 'tarim wadisidiki ahalini gaz bilen temin ettuq' dégini yenila ashu köchmen xitaylarni xatirjem qilish tedbirining inkasi. Ular mushu arqiliq yene bir qétim tashqi dunyaning közini boyimaqchi," dédi. Radiyomiz igiligen ehwallarmu nöwette tarim wadisidiki köpligen Uyghur a'ililirining eng eqelliy bolghan issinish mesilisini hel qilishqa ilajisiz qéliwatqanliqini delilligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet