Xitay tarim oymanliqidiki 3 orunning néfit qézish hoquqini 27 milyard yüen'ge satqan

Muxbirimiz shöhret hoshur
2018-01-24
Élxet
Pikir
Share
Print

Xitay tarim oymanliqidiki 3 orunning néfit qézish hoquqini 27 milyard yüen'ge satqan.

Shinxu'a agéntliqining bügünki xewiride bayan qilinishiche, xitay döletlik yer bayliqi ministirliqi Uyghur aptonom rayoni da'irilirige tarim oymanliqidiki bir qisim orunlarning néfit qézish hoquqini sétishqa buyrughan.

Uyghur aptonom rayonluq da'iriler ötken ayning 5‏-küni tarim oymanliqidiki 3 orunning néfit we tebi'iy gaz qézish hoquqini sétish üchün bazargha salghan. Baha taliship sétiwélish usuli boyiche tarim oymanliqining kelpin, onsu we cherchen nahiyeliri tewelikidiki 10ming kwadrat kilométirgha yéqin zéminning néfit we tebi'iy gaz qézish hoquqi shénning énérgiye hessidarliq shirkiti, shinjang énérgiye guruhi néfit, tebi'iy gaz cheklik shirkiti, jongmén néfit-tebi'iy gaz guruhi qatarliq xususiylar igidarchiliqidiki 3 xitay shirkitige sétilghan.

Xewerde bu sodining "Ashkara, barawer we adil" bolghanliqigha medhiye oqulghan. Emma muhajirettiki Uyghur közetküchiler, rayonda Uyghurlarning iradisi we ishtirakining sirtida élip bérilghan herqandaq bir sodini "Adilliq" bilen süpetleshning mentiqsizliqini ilgiri sürdi. Washin'gtonda yashawatqan közetküchi uchqunjan ependi mezkur sodida Uyghur menpe'etining pütünley nezerdin saqit qilin'ghanliqi we buning xitaydiki "Milliy térritoriyelik aptonomiye qanuni" bilen bir qisim xelq'ara ehdinamilergimu xilap ikenlikini eskertti.

Toluq bet