Tarim uniwérsitétidin tutulghan oqughuchilarning bir qismi qoyup bérildi, awarichilik yene dawamlashmaqta

Muxbirimiz shöhret hoshur
2013-05-20
Share

Yéqinda tarim uniwérsitétidin tutqun qilin'ghan 12 neper oqughuchining 9 nepiri mushu ayning 18-we 19-künliri qoyup bérilgen؛ emma téxiche qoyup bérilmigen 3 neper oqughuchi bilen munasiwetlik kishiler saqchilar teripidin dawamliq türde aware qilinmaqta.

Uyghurbiz torining bügünki bu heqtiki xewiride bayan qilinishiche, bu qétim qoyup bérilgenler ekber we abduréshit qatarliq oqughuchilar bolup, nöwette tutup turuluwatqanlar, ablimit, dilshat we alimjan qatarliq oqughuchilar iken.

Xewerde yene bayan qilinishiche, tutup turuluwatqan oqughuchilargha munasiwetlik dep qarilip tarim uniwérsitétida dawam qiliwatqan so'al-soraqlar, bir türküm oqughuchilarning öginish we turmush ishlirigha éghir halda selbiy tesir körsetmekte. Tarim uniwérsitétidiki 12 neper oqughuchi mushu ayning 2-küni xitayning alar sheherlik qanun organliri teripidin namelum seweb bilen tutqun qilin'ghan.

Melum bolushiche, qanun organliri ta hazirghiche tutqunlarning a'ilisige qanuniy resmiyet yollimighan. Bu ehwal tutqunlarning qamaqtiki ehwali we aqiwiti heqqide guman we endishe peyda qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet