Тарим нефитликиниң тәбиий газ ишләпчиқириш миқдариниң 100 милярд куп метирдин ашқанлиқи хәвәр қилинди

Мухбиримиз ирадә
2017-07-17
Share

Җуңго хәвәрләр тори йеқинда уйғур елидики тарим нефитликиниң тәбиий газ ишләпчиқириш миқдариниң 100 милярд куп метирдин ешип кәткәнликини тәнтәнә билән хәвәр қилди.

Тарим нефитлики көп йиллардин буян ғәрбниң газини шәрққә тошуш лайиһиси бойичә хитайниң шәрқи районидики 13 өлкә вә шәһәрниң 300 милйондин артуқ аһалисини тәбиий газ вә нефит билән тәминләватқан икән. 

Тарим нефитлики йәнә йеқинқи бир қанчә йилдин буян тарим ойманлиқи әтрапидики ақсу, қәшқәр, хотән, қизилсу вә байинғолин қатарлиқ вилайәт һәм областларниму тәбиий газ билән тәминләшкә киришкән болсиму, әмма бу, тарим нефитликидин елинған тәбиий газниң интайин аз миқдарини игиләйдикән. Мәсилән, өткән йили тарим нефитликидә ишләпчиқирилған 23.5 Милярд куп метир тәбиий газниң 3 милярд куп метирила җәнубий уйғур районини тәминләшкә ишлитилип, қалған зор қисми пүтүнләй шәрқий хитайға тошулған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт