Xitay Uyghur élidiki tarixiy turalarni “Seddichinning parchisi” dégen we “Seddichin medeniyet baghchiliri” ni qurushqa bashlighan

Muxbirimiz erkin
2022.03.14
Share on WhatsApp
Share on WhatsApp

Xitay da'iriliri Uyghur tarixidiki xanliqlarning tura we közitish munarlirini qedimqi xitayning medeniyet we herbiy istiratégiye qurulushining parchisi, dep élan qilip, bu orunlarni seddichin sépilining bir parchisi süpitide “Medeniyet baghchiliri” gha aylandurushqa bashlighan.

“Shinjang géziti” ning xewer qilishiche, bu qurulush xitay kompartiyesi merkizi komitéti we dölet ishliri kabéntining 2021-yili 10-ayda chiqarghan “Seddichin dölet baghchisi (shinjang bölüki) qurulushini qoghdash layihesi” ge asasen yolgha qoyulghan iken.

Xewerde bu orunlarning “Seddichin sépilining bir parchisi” süpitide eslige keltürüp, “Shinjang seddichin medeniyet baghchiliri” gha aylandurulidighanliqi, andin xitay sayahetchilirige échilidighanliqini bildürgen. Uyghur aptonom rayonliq medeniyet-sayahet nazariti sayahet bayliqini échish bashqarmisining bashliqi jang chünming Uyghur élidiki turalarning “Seddichinning eng gherbidiki parchisi” ikenlikini bildürüp: “Ular merkiziy sulalilerning soda qilghanliqi, gherbiy rayonlarni bashqurup, wetenning birlikini qoghdighanliqining delili” dégen. Uning éytishiche, bu orunlar “Döletning igilik hoquqi we xitay medeniyitining simwoli” iken.

Bezi xitay tetqiqatchiliri Uyghur élidiki turalarni “Seddichinning parchisi” deydighan qarashni 1990-yillarda otturigha qoyushqa bashlighan bolsimu, biraq xitay da'iriliri bu qarashni 2017-yildin bashlap Uyghurlarni keng kölemlik tutqun qilish bilen bir waqitta, ularning medeniyiti, tarixi, tili we milliy en'enilirini ret qilip, rayonda omumiyyüzlük xitaylashturushni yolgha qoyushqa bashlighandin kéyin, resmi siyasetke aylandurghan. “Shinjang géziti” ning ashkarilishiche, nöwette rayondiki 212 orun “Seddichin bayliqi” dep békitilgen bolup, bu orunlar rayonning jenubiy we shimalikiki 40 nahiye we bingtu'en'ge qarashliq 5 déwiziyege tarqalghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.