Uyghur élining muhim tarixi yadikarliqliri béyjingda körgezme qilin'ghan

Muxbirimiz irade
2019-11-19
Élxet
Pikir
Share
Print

Uyghur éli tarixigha a'it bir qisim muhim medeniyet yadikarliqliri béyjing uniwérsitétining arxologiye muzéyida körgezme qilin'ghan.

Xitay xewerler torining 18-noyabir küni tarqatqan xewirige qarighanda, körgezmige qoyulghan 70 parchigha yéqin qedimiy yadikarliqlar ichide kichik derya yaki kichik miren qebristanliqidin qézip élin'ghan meshhur "Kichik miren güzili", lopnurdiki qedimiy qebristanliqtin tépilghan erenche kiyim we ili mis qarawuli dep nam bérilgen yadikarliqlarmu bar iken.

Bu heqtiki xewerde, "Kichik miren güzili" ning ziyaretchilerning küchlük diqqitini qozghighanliqi ipade qilin'ghan we yuqiridiki medeniyet yadikarliqliri xitayning ottura tüzlenglik medeniyitige baghlan'ghan. Shundaqla yene, rayonda qedimdin tartip ottura tüzlenglik medeniyiti we kimlik tonushi barliqini körsitip béridighanliqi ilgiri sürülgen.

Uyghur rayonining partkom sékrétari chén chüen'go 2017‏-yili échilghan bir qétimliq arxé'ologiye yighinida "Arxé'ologiye shinjangning ezeldin tartip xitay zémini ikenlikini algha sürüshke xizmet qilishi kérek" dep tekitligenidi. Shundin béri, xitay da'irilirining herqandaq bir pursette, Uyghur élide tépilghan medeniyet yadikarliqliri we tarixi weqeliklerge a'it pakitlarning hemmini "Shinjang ezeldin junggoning bir qismi" dégen teshwiqati üchün xizmet qildurushni kücheytkenliki melum.

Toluq bet