Shayar nahiyesi bu yil Uyghur yashlirini keng kölemlik yötkeshni ishqa ashurmaqchi

Muxbirimiz erkin
2019-02-27
Share

Xitay hökümitining "Yéza éshincha emgek küchlirini yötkep ishqa orunlashturush" namidiki Uyghur yashlirini yötkesh pilani bu yil dawamliq kéngeytilip, Uyghur rayonining jenubidiki her qaysi nahiyelerde jiddiy ijra qilinmaqta.

Shayar nahiyelik hökümet da'irilirining élan qilishiche, mezkur nahiyening bu yilliq pilani "Yötkep ishqa orunlashturush" ni 15 ming adem qétimgha yetküzüsh iken. Xitay hökümiti xoten, qeshqer, aqsu, qizilsu qatarliq Uyghurlar köp sanliqni igileydighan rayonlardiki yash yéza nopusini "Éshincha emgek küchi" namida xitayning ichki ölkilirige yaki shimaldiki sana'et bazilirigha yötkeshning Uyghur diyarida menggülük eminlik berpa qilishtiki bir xil istratégiyelik orunlashturush ikenlikini ilgiri sürüp kelgen.

Uyghur kishilik hoquq teshkilatliri mezkur pilan Uyghurlarning ijtima'iy jem'iyet qurulmisigha buzghunchiliq qilidighanliqini ilgiri sürüp, uni toxtitishni telep qilghan bolsimu, lékin xitay hökümiti mezkur pilanni dawamliq ijra qilip kelmekte. Xitay da'irilirining omumi pilani 2019‏-yili Uyghur aptonom rayoni boyiche yötkep ishqa orunlashturushni 2 milyon 700 ming adem qétimgha yetküzüsh iken.

Melum bolushiche, shayar nahiyesi bu yil 2‏-ay kirgendin béri 4000 yéza emgek küchini yötkep ishqa orunlashturushqa teyyar qilghan we yéqinqi birqanche hepte ichide 600 yashni yötkeshni ishqa ashurghan. Lékin ularning qaysi ölke we sana'et bazisigha yötkelgenliki melum emes. Yerlik da'irilerning radiyomizgha ashkarilishiche, nöwette xitay da'iriliri yighiwélish lagérliridiki "Ipadisi yaxshi" dep qaralghan Uyghur, qazaq tutqunlirini lagér etrapidiki karxanilargha heqsiz ishleshke yötkimekte iken.

Xitay hökümiti 2016‏-yilning axirliridin bashlap ichkiri xitay ölkiliridiki nurghun paxta-toqumichiliq we kiyim-kéchek karxanilirini Uyghur diyaridiki herqaysi nahiyelerge yötkep chiqqan. Közetküchilerning ilgiri sürüshiche, "Kéliwéy kiyim-kéchek cheklik shirkiti" ning shayardiki nurbagh yézisida qurghan zawuti ene shundaq karxanilarning biri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet