Хитайда «ташлинип қалған» балилар сани 9 милйондин ашидикән

Мухбиримиз ирадә
2016-11-10
Елхәт
Пикир
Share
Принт

Хитай хәлқ ишлири министирлиқи тәрипидин елан қилинған санлиқ мәлуматқа қариғанда, хитай миқяси бойичә ата-анилири шәһәрләргә ишлигили кирип кәткәнликтин «ташлинип қалған» балиларниң сани 9 милйондин ашидикән.

Бу балиларниң 90 пирсәнти йәни 8 милйони бова-момилири билән қәп қалған болса, бир милйон әтрапидикисиниң қарайдиған һечкими йоқ икән.

Фирансийә агентлиқиниң хәвәр қилишичә, хитайдики ташлинип қалған бу балилар мәсилиси хитайда шиддәт билән әп берилған иқтисадий тәрәққиятиниң ечинишлиқ ақивәтлириниң бири болуп һесаблинидиған болуп, буниңға сәвәб болған амилларниң бири,хитайдики нопус тизимлаш сиясити икән. Җүмлидин, аққун ишчилар шәһәрләрдә нопусқа тизимға алдуралмиғанлиқтин уларниң балилири шәһәрләрдә мәктәпкә бериш, саламәтлик тәкшүрүш қатарлиқ имканларға еришәлмәйдикән. Шуңа бу балилар ата-анилиридин айрилип, туғқанлири билән йезида қелишқа мәҗбур болидикән. Улар йилда аран бир қетим ата-анилирини көрүш пурситигә еришәләйдикән.

Фирансийә агентлиқиниң ейтишичә, хитай хәлқ ишлири министирлиқи тәрипидин елан қилинған бу рәсмий рәқәм 2013-йили хитайдики аяллар федиратсийәси намлиқ тәшкилат елан қилған рәқәмдин зор дәриҗидә пәрқлинидиған болуп, мәзкур тәшкилат бу рәқәмни 61 милйон дәп көрсәткән икән. Бирақ хәлқ ишлири министирлиқи 9 милйон дегән бу рәқәмни «хитайниң һазирқи вәзийитигә техиму мувапиқ» дәп көрсәткән.

Пикирләр (0)
Share
Толуқ бәт