Jey nordlin'gér: "Xitaydiki bir erkek"

Muxbirimiz eziz
2019-09-17
Élxet
Pikir
Share
Print

Uyghurlar diyaridiki eng chong bilim yurti bolghan "Shinjang uniwérsitéti" ning mudiri, jughrapiye penliri alimi tashpolat téyipqa bérilgen kéchiktürme ölüm jazasining yéqinda ijra qilinidighanliqi heqqidiki xewerler tushmutushtin otturigha chiqishi bilen buninggha munasiwetlik köpligen inkaslarmu diqqet qozghashqa bashlidi.

Amérikadiki "Döletlik baha" gézitining obzorchisi jey nrdlin'gér 16-séntebir küni élan qilghan "Xitaydiki bir erkek" témisidiki obzorida xitay hökümitining Uyghurlargha qarshi qandaq dehshetlerni peyda qiliwatqanliqini, buning mudhishliqidin bu dehshetlerni herqanche qilipmu qobul qilishqa bolmaydighanliqini alahide tekitlidi.

U obzorida stalinning "Bir erkekning ölümi téragédiyedur؛ milyonlighan kishining ölümi bolsa statistika" dégen meshhur sözini neqil keltürüp, bu sözni tashpolat téyipqa tetbiqlashqa bolidighanliqini éytidu. Shuningdek tashpolatqa artilghan "Bölgünchilik" jinayitini "Xitaydiki teypinemning zamanisidin qalghan kona qalpaq" deydu.

Aptor maqaliside diktatorlarning pütün dunya qarap turghan ehwalda bir xelqni qiriwétishtin eyminidighanliqini, emma ularning bezide buninggha perwamu qilip ketmeydighanliqini eslitip: "Tibetler we Uyghurlarning ehwalidin buni körüwélish tes emes" dep körsitidu. Shuningdek hazir pütün dunyaning diqqiti xongkong mesilisige merkezliship qéliwatqan ehwalda Uyghurlar mesilisining diqqettin saqit bolup ketmeslikini, chünki bu jaydiki wehshiyliklerge qarap "Sherqiy türkistanda dowzaqning özi boluwatidu" déyishke tamamen bolidighanliqini yazidu.

Toluq bet