Хәлқаралиқ мәтбуатларда профессор ташполат тейипниң вәзийити тонуштурулди

Мухбиримиз ирадә
2019-10-11
Елхәт
Пикир
Share
Принт

Икки йил кечиктүрүп иҗра қилинидиған өлүм җазаси берилгән шинҗаң университетиниң сабиқ мудири вә профессори ташполат тейипниң ақивити күчлүк әндишә пәйда қилмақта. Америкадики даңлиқ журналлардин «пән-техника» журнили вә әнглийәниң б б с радиоси бүгүнки сәһипилиридә ташполат тейипқа кәң орун берип, ташполат тейип қатарлиқ уйғур илим әрбаблири йүзлиниватқан трагедийәлик вәзийәткә диққәт тартти.

«Пән-техника» журнилидики мақалидә, тонулған уйғур зиялийси профессор ташполат тейипниң 2017-йили 4-айда туюқсиз тутқун қилинип, ғайиб қиливетилгәнлики вә аридин алтә ай өткәндин кейин хитайниң бир тәшвиқат видийосида униң оқуғучиларниң «меңисини чоңқур зәһәрлигән» дәп әйибләнгән 88 зиялий қатарида көрситилип: «икки йүзлимичилик вә бөлгүнчилик» билән әйибләнгәнлики баян қилинған. Әмма қизиқарлиқи, хитайниң вашингтонда турушлуқ әлчиханисиниң баянатчиси «пән-техника» журнилиниң ташполат тейип һәққидики соалиға қайтурған язма инкасида «ташполат тейип 2018-йили 5-айда " пара елиш вә зор миқдардики пулға четишлиқ чириклик"гумани билән қолға елинған, униң делоси нөвәттә тәкшүрүлүватиду» дегән. Әмма улар ташполат тейипқа берилгән өлүм җазаси һәққидә һечқандақ ипадә билдүрмигән. 

Хәлқара кәчүрүм тәшкилати бу йил 9-айда җиддий баянат елан қилип, шинҗаң университетиниң сабиқ мудири вә профессори ташполат тейипқа берилгән икки йил кечиктүрүп иҗра қилинидиған өлүм җазасиниң мушу ай ичидә иҗра қилиниш еһтималлиқи барлиқини елан қилғандин кейин бу мәсилә уйғурларниң вәзийитини йеқиндин көзитип келиватқан һәрқайси орган вә шәхсләрниң күчлүк диққитини қозғиған. 

«Хәтәр астидики алимлар тәшкилати» вә «алимларға ғәмхорлуқ комитети» қатарлиқ органлар ташполат тейипқа охшаш қиммәтлик бир илим әрбабиниң хитай һөкүмитиниң дәлил-испатсиз қарилашлири астида өлүмгә һөкүм қилинишиниң алдини елиш үчүн хитай һөкүмити вә хитай дөләт рәиси ши җинпиңгә чақириқ елан қилған иди.

«Пән-техника» журнили вә «б б с» бу һәқтики мақалисидә, ташполат тейипни йеқиндин тонуйдиған кишиләрниң баяни арқилиқ ташполат тейипниң бундақ ақивәткә қелишиниң һечқандақ бир уйғурниң бихәтәр әмәсликидин дерәк беридиғанлиқини әскәрткән вә раһилә давут, арслан абдулла вә халмурат ғопур, илһам тохти қатарлиқ зиялийларниму тонуштурған.

Пикирләр (0)
Share
Толуқ бәт