Uyghur diyaridiki tunji égizlik ayrodrumi - tashqorghan ayrudrumida 2018 - yili sinaq teriqiside qatnash bashlinidiken

Muxbirimiz qutlan
2016-09-26
Share

Igilinishiche, Uyghur aptonom rayonidiki tunji égizlik ayrudrumi - tashqorghan ayrudrumini qurush pilani testiqtin ötüp, kéler yili 3 - ayda ish bashlimaqchiken.

"Shinjang géziti" ning ilgiri sürishiche, bu xewer tunji qétim 23 - séntebir bashlan'ghan 5 - nöwetlik xitay - yawro'asiya körgezmiside ashkarilan'ghan.

Xewerde déyilishiche, tashqorghan ghol we tarmaq liniyelik ayrodurumi Uyghur élidiki tunji égizlik ayrodurumi bolup, bu ayrodurumgha 1 milyard 600 milyon yüen meblegh sélish mölcherlenmektiken. Uningda 2018 - yilidin étibaren sinaq teriqiside qatnash bashlinidiken. Buning bilen qeshqer wilayitide qeshqer ayrodrumi, yeken ayrodurumi, tumshuq ayrodurumi we tashqorghan ayrodurumini öz ichige alghan boshluq tori shekillinidiken.

Melum bolushiche, qeshqerdin islam'abad, béshkek, düshenbe, tashkent, yéngi déhli qatarliq sheherlerge biwasite uchush ariliqi 1000 kilométirning ichide bolup, hawa yoli arqiliq bir yérim sa'ettila yétip barghili bolidiken.

Qeshqer xitay hökümitining "Yéngi yipek yoli" istératégiyesidiki muhim nuqta bolup, közetküchiler, tashqorghan ayrudrumini qurush lahiyesi emeliyette xitayning pakistandiki gwadar portini échish we uni hindi okyandiki muhim iqtisadiy belbeghqa aylandurush pilani bilen zich munasiwetlik, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet