Tashqorghan nahiyeside 5.5 Bal yer tewridi

Muxbirimiz irade
2017-05-11
Share

11-May etigende qeshqer wilayitining tashqorghan nahiyeside 5.5 Bal yer tewrigen. Bu heqte xitayning tengritagh, xelq géziti qatarliqlar tarqatqan uchurgha qarighanda, hazirghiche yer tewreshte 8 adem hayatidin ayrilip, 23 adem yarilan'ghan. Köp qisim öyler örülüp chüshken. Nöwette qutquzush xizmetlirining yene dawamlishiwatqanliqi melum.

Yuqiridiki hökümet axbarat organliri öz xewerliride hazir apet rayonida apettin qutquzush qomandanliq shtabi qurulup, qutquzush xizmetlirining jiddiy élip bériliwatqanliqini, ammining bixeter jaylargha yötkiliwatqanliqini, apet rayonigha chédir, yotqan, paxtiliq kiyim, yémeklik, dora, ichimlik qatarliqlarni tarqatqanliqini xewer qildi. Emma bu bashqa musteqil menbeler teripidin delillenmidi. Da'iriler bolsa shexsiylerning öz aldigha i'ane yighip apet xelqige yardem qilish ishlirini 2014- yili kériyediki yer tewreshtin kéyin toxtitiwetken idi.

2014- Yili 12‏-féwral küni xotenning kériye nahiyiside yüz bergen 7.3 Bal yer tewresh apitidin kéyin, Uyghur aptonom rayoni miqyasida shexsi we jama'etler teshkillinip, apetke uchrighan ahalilerge yardem bérish qizghinliqi qozghalghan. Buninggha hetta chet'ellerdiki Uyghur jama'itimu awaz qoshqan.

Biraq kéyin, da'iriler bu yardem pulliri we yardem buyumlirini ahalilerge yetküzüshtin burun hökümetke tizimgha aldurushni telep qilghan we kéyinche uqturush chiqirip bundaq yardem ishlirini pütünley chekligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet