Tatarlarmu xitayning jaza lagérliridin qéchip qutulalmighan

Muxbirimiz sada
2019-06-28
Élxet
Pikir
Share
Print

Uyghur diyaridiki ikki milyondek yerlik xelqning xitayning jaza lagérlirigha solan'ghanliqi ilgiri sürülüwatqan bir peytte rayondiki tatarlarningmu buning tesirige uchrawatqanliqi melum bolmaqta.

"Merkiziy asiya programmisi" torining 27-iyun sanidiki xewerde tatarlarning jaza lagérlirigha qamilishi heqqidiki tepsilatlar etrapliq bayan qilin'ghan.

Xewerde déyilishiche, Uyghur aptonom rayonluq partkomning sékrétari chén chüen'go wezipige olturghan deslepki mezgillerde rayondiki siyasiy basturush nuqtiliq halda peqet Uyghurlarnila nishan qilghan iken. Rayondiki qazaq, qirghiz we tatar qatarliq milletlerning bolsa xitay tilida sözleydighan tungganlar bilen bir qatarda normal hayatini melum derijide dawamlashturalighanliqi melum. Halbuki, aridin ikki-üch yil öte-ötmeyla bu siyaset rayondiki barliq xelqlerge, jümlidin sani az bolghan tatarlarghiche kéngeygen.

Xewerde yene "Azadliq" radiyosining 2018-yili 13-awghusttiki sanida Uyghur rayondiki tatarlarningmu jaza lagérlirigha qamilishi heqqidiki tunji doklatning élan qilin'ghanliqi alahide tilgha élin'ghan. Uningda déyilishiche, xitay puqraliqidiki tatarlar tataristanda turup rusiye olturumigha iltimas qilghan bolsimu, hel bolmighan. Shunga ular amalsizliqtin xitaygha qaytqan we ularning tataristanda turushluq uruq-tughqanliri bilen alaqisi shuningdin bashlap üzülgen.

Uyghur diyaridiki Uyghur, qazaq, qirghiz we tatar qatarliq yerlik milletlerning dawamliq xitay hökümitining zerbe bérish nishanigha ayliniwatqanliqi nöwette xelq'ara jem'iyetning endishisini qozghimaqta.

Toluq bet