Tataristan prézidénti tatar tili musaqibiqiside eng yuqiri mukapatni yaponiyelikke berdi

Muxbirimiz ümidwar
2014-05-04
Élxet
Pikir
Share
Print


Rusiye fédératsiyesidiki tataristan jumhuriyiti yéqinda xelq'araliq tatar tili musabiqisi ötküzgen bolup, musabiqide qazanda oquwatqan yaponiyelik aspirant we tatar qiz eng yuqiri mukapatqa érishken. Tataristan prézidénti rustem minnixanow özi murasimgha qatniship, mukapatni öz qoli bilen yaponiyelik aspirant yuto xasiyamigha bergen.

Rusiyening régnum torining xewer qilishiche, tataristan hökümiti tatar tilini saqlash we qoghdash üchün her xil amillarni qolliniwatqan bolup, xelq'araliq tatar tili musabiqisi ene shuning jümlisidindur. Hökümet nurghun meblegh ajritip, her yili xelq'araliq tatar tili musabiqisi ötküzüwatqan bolup, bu yil 5000 adem musabiqige qatnashqan. Mezkur musabiqige peqet chet'ellikla emes, belki rusiyening bashqa rayonlirida hemde musteqil döletler hemdostluqining bashqa jumhuriyetliride yashaydighan tatarlarmu qatnishidiken.

Musabiqide birinchilikni alghanlar ichide xitay, türkiye, amérika, qazaqistan we bashqa rusiye rayonliridin kelgen oqughuchilar bar iken.

Xewerlerdin melum bolushiche, rusiye hökümiti tataristanni özining türkiy tillar dunyasi bilen alaqe ornitish hem uni kücheytishte wasite qiliwatqan bolup, tataristan prézidénti téxi yéqinda ürümchide ziyarette bolghan idi.

Sabiq sowét ittipaqi dewride qazan tatarlirining öz tilini untush nisbiti yuqiri pellige yetken idi. Nöwette hökümet tatar tilini saqlap qélish we uni omumlashturush üchün tirishmaqta. Rusiye hökümitini buni qollimaqta.

Toluq bet