Taylandtiki ikki Uyghurning soti terjiman yoqluqi seweblik kéchiktürüldi

Muxbirimiz méhriban
2016.08.23

Seyshenbe küni xelq'ara taratqularda, ötken yili 17-awghust bangkokta yüz bergen partlitish hujumigha chétishliq dep qolgha élin'ghan bilal muhemmed yeni adem qaradagh we mir'eli yüsüp qatarliq ikki Uyghur üstidin échiliwatqan sotning terjiman yoqluqi sewebidin kéchiktürülgenliki xewer qilindi.

En'gliye b b s agéntliqining xewiride tilgha élinishiche, tayland herbiy soti teripidin dawamlishiwatqan sot 23-awghust seyshenbe esli qerelide bashlan'ghan bolsimu, emma aqlighuchi terep Uyghurche bilidighan terjiman teminlep bérelmigechke kéchiktürülgen. Amérika birleshme agéntliqi xewiride, sot da'irilirining muxbirlarning yéqinlishishidin saqlinish üchün, ikkiylenni aptomobil bilen udul sot mehkimisige élip kirgenliki tilgha élindi.

Ötken yili 17-awghust tayland paytexti bangkokta yüz bergen partlashta 20 adem ölüp, 120 din artuq adem yarilan'ghan. Tayland da'iriliri yuqirida ismi atalghan ikki gumandarni qolgha alghan hem ularning xitaydin kelgen Uyghurlar ikenlikini élan qilghan idi. Emma bular saqchilarning özlirini qiynap iqrar qildurghanliqini jakarlap, özlirining shu qétimqi partlash bilen munasiwiti yoqluqini bildürgen idi.

Ilgiri tayland taratquliri bu heqte bergen xewerliride, bu weqe tayland hökümitining chégrasidin qanunsiz yollar bilen kirgen 109 neper Uyghurni xitaygha qayturup bérishige qarita, Uyghurlarning xitaydin öch élish herikiti bolushi mumkin dégen qarashlarnimu otturigha qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.