Tayland da'iriliri tak ölkisining moy sot rayonida Uyghur musapirlirigha yardem qilghan bir “Qachaqchi”ni axturghanliqini bildürdi

Muxbirimiz erkin
2016-10-07
Share

Tayland saqchi da'iriliri jüme küni taylandning tak ölkisi moy sot rayonida élip barghan axturush herikiti Uyghur musapirlirini yötkeshke chétishliq aliy isimlik bir kishige qaritilghanliqini bildürgen.

Taylandliq saqchi we eskerler tayland-birma chégrasidiki moy sot rayonida “Hayat” namliq bir soda shirkitining binasini axturup, 3 neper birmaliq musapirni tutqan, emma alining iz-dérikige érishelmigen. Tayland axbarati, alining 2015‏-yili 8‏-ayda bangkoktiki ériwan ibadetxanisida yüz bergen partlashqa chétishliq ikenlikini, axturushning shuni nishan qilghanliqini ilgiri sürgen idi.

Emma moy sot rayonluq saqchi emeldari polkownik jamrang sudjay, alining partlashqa chétishliq ikenlikini ret qilip, uning dölet bixeterlikige chétishliq melum bir jinayetke baghlinishliq ikenlikini, uning üstidin téxi tutush buyruqi chiqirilmighanliqini bildürgen. U, “Eger biz uni tapalisaq, herbiy idare qanuni boyiche tutup turimiz”dégen. Tayland saqchi da'irilirining qeyt qilishiche, ali qachaqchiliq heriketlirige chétishliq bolup, u Uyghur musapirlirini saxta pasport bilen teminlesh ishlirigha arilashqan.

Tayland hökümiti bangkok partlash weqesini insan qachaqchilirining öch élish herikiti, dep élan qilip, mir'eli yüsüp, bilal muhemmet isimlik ikki Uyghurni partlashqa chétishliq, dep resmiy sotqa tartqan.

Emma mireli yüsüp we bilal muhemmet partlashqa chétishliq ikenlikini ret qilghan. Uyghur kishilik hoquq teshkilatliri tayland da'irilirini ochuq-ashkara bolushqa chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet