Taylandta siyasiy panahliq tiligen xitay puqraliri jiddiy qutquzush muraji'et xéti élan qildi

Muxbirimiz méhriban
2015-07-14
Share

Tayland hökümet da'irilirining 109 neper Uyghurni “Chégradin qanunsiz kirgen” dégen bahanide xitaygha qayturup bérishi her xil sewebler tüpeylidin xitaydin taylandqa qéchip chiqip, b d t ning taylandtiki ishxanisidin siyasiy panahliq tiligen xitay puqralirini ensiretti.

14-Iyul seyshenbe küni chet'ellerdiki xitay démokratliri toridin boshünde “Taylandtiki xitay musapirlirining jiddiy qutquzush murajetnamisi” namidiki xet élan qilindi.

Muraji'et xétide mundaq déyilgen: “2015-Yili 8-iyul küni tayland hökümiti xelq'ara musapirlar qanunigha xilap halda 109 neper Uyghurni hayati xewpke uchrash éhtimali yuqiri bolghan xitaygha qayturup berdi. Xitay kompartiyisining teshwiqat qoralliri bu Uyghurlarni “Térrorluq gumandari”, “Türkiye arqiliq süriyede qurulghan islam dölitige bérip jihad urushigha qatnashmaqchi bolghanlar” dep élan qildi. Hazir bu Uyghurlarni éghir jazalar kütüp turuptu. Bu weziyet taylandqa qéchip chiqip b d t musapirlar ishxanisidin panahliq tilep axirqi qararni kütüwatqan bizni qattiq chöchütti. Biz xelq'ara jem'iyetning nöwette tayland hökümitining bu dölette siyasiy panahliqini saqlawatqan xitay puqralirini kommunist xitay dölitige qayturup bérishini tosushini muraji'et qilimiz” déyilgen.

Boshünde élan qilin'ghan bu heqtiki xewerde déyilishiche, taylandta siyasiy panahliqini saqlawatqan xitay puqraliri arisida “Tayland 109 Uyghurni xitaygha qayturup bergendin kéyin, emdiki nöwette, taylandta b d t din siyasiy panahliq tiligen bashqa xitay puqralirini yeni xitay hökümitige qarshi kishilik hoquq pa'aliyetchiliri, xitay xristi'an muritliri we falün'gong muritliri qatarliqlarnimu xitaygha qayturup bérishke teyyarliniptu” dégen xewer tarqalghan. Netijide taylandta qanunsiz turuwatqan xitay puqraliri öz bixeterlikidin endishige chüshken we seyshenbe küni bu murajetni élan qilip, xelq'ara jem'iyetni b d t ning taylandtiki musapirlar ishixanisidin siyasiy panahliq tiligen xitay puqralirining ehwaligha köngül bölüshke chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet