Xitayning taylandtiki elchixanisi taylandtiki partlashning ispatsiz Uyghurlargha chétilishini mes'uliyetsizlik, dep tenqid qilghan

Muxbirimiz irade
2015.08.20
Share on WhatsApp
Share on WhatsApp

Xitayning taylandta turushluq bash elchixanisining bayanatchisi bügün qilghan bir sözide, taylandtiki bombiliq hujumni héchqandaq ispatsizla Uyghurlargha chétishni xata, dep eyibligen.

“Jenubiy junggo sehiri” gézitining xewer qilishiche, elchixana bayanatchisi mezkur gézitning muxbirigha qilghan sözide, taylandtiki bezi xewerlerde buni Uyghurlar taylandtin öch élish üchün qilghan bolushi mumkin, dégen xewerlerning chiqqanliqini tilgha élip turup “Bundaq bir weqeni héchqandaq ispat körsetmey turup bir kishige chétiwélish éghir mes'uliyetsizlik” dégen. U yene eskertip,“Tayland hökümiti weqeni téxi dawamliq tekshürüwatidu, shunga héchkim bundaq bir yekünni chiqirishqa aldirimasliqi kérek” dégen.

Xitay elchixanisining bundaq bir bayanati közetküchilerning diqqitini qozghidi. Téxi aldinqi künila tayland hökümiti sériq mayka kiygen köz eyneklik bir yashning asasliq gumandar ikenlikini bildürüp, weqening “Uyghurlargha chétishliq bolush éhtimalni chetke qaqmaymiz” dégen idi. Saqchi terep bu gumandarning ottura asiyaliq, yawropaliq yaki ottura sherqliqliklerge oxshap qalidighanliqini éytqan.

Biraq, bügün tayland hökümiti yene bayanat bérip, weqening chet'ellik térrorchilar bilen alaqisi yoqtek körünüwatqanliqini, sériq maykiliq gumandarning taylandliq bolushi we uning chet'elliklerdek yasiniwalghan bolushi mumkinlikini jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.