Kanada hökümiti taylandning ikki neper panahlan'ghuchini xitaygha qayturup bergenlikini tenqid qildi

Muxbirimiz irade
2015-12-03
Share

Kanada hökümiti taylandning ikki neper panahlan'ghuchini xitaygha qayturup bergenlikidin qattiq epsuslan'ghanliqini bildürdi.

Roytérsning xewer qilishiche, kanada tashqi ishlar ministirliqi bayanatchisi franchoyis lasélla charshenbe küni élan qilghan bayanatida, b d t musapirlar komitétining himayisi astigha élin'ghan we yéqinda kanadagha orunlashturulushi pilanliniwatqan bu ikki panahlan'ghuchini xitaygha qayturup bérish xelq'ara qanunlargha xilap, dégen. U sözide, xitay we tayland her ikki dölet hökümitining herikitini tenqid qilghan.

14-Noyabir küni, tayland hökümiti xitaydin qéchip kelgen jang yéféy we dung gu'angping isimlik ikki neper xitay puqrasini xitayning telipige bina'en qayturup bergen idi. Melum bolushiche, bu ikkiylen ilgiri özlirining démokratiye heriketliri tüpeylidin köp qétim qolgha élin'ghanliqini bildürgen iken.

Tayland hökümiti bu yil 7-ayda shu yerde panahlinip turuwatqan 100 neper Uyghur musapirni xitaygha qayturup bérip kishilik hoquq organlirining tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet