Taylandta 25 neper Uyghur qamaqxanidin qachqan

Muxbirimiz shöhret hoshur
2017-11-20
Share

Bügün xelq'ara taratqularda xewer qilinishiche, taylandta tutup turuluwatqan 25 neper Uyghur musapir qamaqxanidin qachqan.

Tayland da'irilirining roytérs agéntliqigha ashkarilishiche, 25 neper Uyghur musapir düshenbe küni taylandtiki qamaqxanining témini teshken, andin ediyalliridin arqan süpitide paydilinip, qamaqxanidin ésilip chüshüp qéchip ketken. Tayland da'irilirining eskertishiche, shu waqitning özide yighiwatqan qattiq yamghurning awazi ularning qamaqxanidin tuydurmay qéchip kétishige shara'it yaritip bergen.

Melum bolushiche, hazirghiche qamaqxanidin qachqan 25 Uyghurdin 5 nepiri tutulghan, qalghan 20 nepiri qéchip yürmektiken. Roytérs agéntliqining bügünki xewiride eskertilishiche, bular 2014‏-yili taylandta tutulghan 200 che Uyghurdin qép qalghanlirining bir qismi iken. Taylandta tutulghan Uyghurlar özlirining türk wetendishi ikenlikini, xitay terep bolsa, bularning xitay wetendishi ikenlikini ilgiri sürgen. Tayland da'iriliri aldinqi yili xitayning telipige bina'en 100 din artuq Uyghur tutqunni xitaygha qayturup bergen.

Xitay özlirige tapshurup bérilgen Uyghurlarni xitaygha élip mangidighan chaghda ulargha "Térrorchi" largha xas mu'amile qilghanliqi üchün xelq'ara jama'etning tenqidige uchrighan idi. Tayland da'iriliri shuningdin kéyin qolida qépqalghan Uyghur mehbuslar ichidiki ayallar we balilarni asas qilghan bir türkümining türkiyege kétishige yol qoyghan idi. 

Xelq'ara xewerlerde déyilishiche, yéqinqi yillardin béri xitayning Uyghur aptonom rayonida yürgüzüwatqan basturush heriketliridin qéchip chiqqan minglarche Uyghur sherqiy-jenubiy asiya döletliri arqiliq resmiyetsiz halette türkiyege yétip barghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.