Tayland musulmanlirining lidéri: "Uyghurlarning qamaqxanidin qéchishi tayland hökümiti üchün paydiliq"

Muxbirimiz shöhret hoshur
2017-11-20
Share

Taylandning songla ölkilik köchmenler idarisi teripidin tutup turuluwatqan 25 Uyghurning qamaqxanidin qéchishi axbaratqa ashkarilan'ghandin kéyin, taylandning chularajmonti rayondiki musulmanlarning lidéri, doktor wisuti binlatih bayanat élan qilghan. U bayanatida mezkur Uyghurlarning türmidin qéchishining tayland hökümiti üchün paydiliq ikenlikini, yeni buning tayland üchün xitay hökümitining Uyghurlarni qayturup bérish heqqidiki bésimidin qutulushning bir pursiti ikenlikini bildürgen.

Doktor wisuti bayanatida yene mezkur Uyghurlarning qandaqtur adem etkeschilirining qurbani emes, belki siyasiy zulumning qurbanliri ikenlikini ilgiri sürüp, ularning türkiyediki uruq-tughqanliri bilen jem bolushigha yol qoyulushi kéreklikini ilgiri sürgen.

U yene bayanatida mezkur Uyghurlarning tar bir qamaqxanida uzun mezgil yétip ketkenlikini eskertip, insanperwerlik nuqtisidin ularning üchinchi bir döletke yerlishishige yol qoyulushi kéreklikini éytqan. Doktor wisutning bügünki bayanatida tekitlinishiche, taylandiki musulmanlar tayland hökümitidin tutqundiki Uyghur musulmanlirining xitaygha qayturulmasliqini izchil halda telep qilip kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.