Tayland 17-awghust partlashtiki 2-gumandarning xitay puqraliqidiki Uyghur bolushi mumkinlikini bildürdi

Muxbirimiz méhriban
2015-09-01
Share

Roytérs agéntliqining xewer qilishiche, tayland bash ministiri prayus chan ocha 1-séntebir seyshenbe küni bayanat bérip, taylandta 17-awghustta yüz bergen partlashtiki 2-gumandarning xitay puqraliqidiki Uyghur bolushi mumkinlikini bildürgen.

En'gliyening b b s agéntliqining taylandta turushluq muxbiri jonas haydining 1-séntebir élan qilghan resimlik xewiride, tayland saqchi da'iriliri tutqun qilin'ghan 2-gumandarning xitay pasportining kopiyisi élan qilin'ghan bolup, pasportta bu kishining mir'eli yüsüp isimlik, 1989-yili 1-öktebir tughulghan xitayning shinjang Uyghur aptonom rayon puqrasi ikenliki bildürülgen. B b s agéntliqining bu heqtiki xewiride yene, 17-awghust taylandtiki partlashning bu yil 7-ayda tayland da'iriliri qanunsiz chégradin kirgen dégen bahanide xitaygha qayturup bergen 109 neper Uyghur sewebidin yüz bergen öch élish herikiti bolush éhtimalliqimu otturigha qoyulghan.

Xewerde yene, tayland saqchi da'irilirining bayanatidiki "Biz yenila soraqni dawamlashturuwatimiz. U chet'ellik, asasiy gumandar bolushi mumkin" dégen sözliri neqil élin'ghan. Halbuki, birnechche kün ilgiri tayland da'iriliri 17-awghust yüz bergen 20 kishining ölüshige seweb bolghan bangkoktiki partlash weqesidiki gumandarning Uyghur bolush éhtimali yuqiriliqini bildürgende, xitay hökümiti taylandning bu bayanatini asassiz dep eyibligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet