Tayland türmisidin qachqan yene bir Uyghur tutulup qaldi

Muxbirimiz eziz
2017-11-27
Élxet
Pikir
Share
Print

20-Noyabirda taylandning songkla ölkisidiki chégragha yéqin bolghan bir yighiwélish merkizidin 20 Uyghur qéchip ketkendin kéyin bu weqe tayland we xitay da'irilirini pat-paraq qiliwetken idi. Bügün bu Uyghurlardin yene bir kishining tutulup qalghanliqi melum boldi.

Malayshiyadiki eng chong gézitlerdin bolghan "Quyash géziti" ning 26-noyabirdiki xewirige qarighanda, sadaw köchmenler lagéridin qéchip ketken Uyghurlardin yene bir kishi shu jay waqti seher sa'et sekkizde tutulup qalghan. Songkla ölkilik köchmenler idarisi 6-tarmaq idarisining bashliqi, général mayor jéksada yaysun bu heqte melumat bérip, "31 Yashliq bu qachqun nashtiliq tapqili ormanliqtin chiqqanda tutuwalduq," dégen. Uning éytishiche, tutulup qalghan bu qachqun saqchilargha özining türkiyediki xotun-baliliri bilen jem bolush arzusida türmidin qachqanliqini sözlep bergen.

Jéksadaning bildürüshiche, bu tutqun birnechche tilda sözliyeleydighan bolup, malayshiya-tayland chégrasidin ötüp kétishni pilanlighan. Emma kütülmigende bashqa töt Uyghur qachqun bilen ormanliqtin chiqalmighan. Ular ormanliqta bir hepte ach qalghan bolup, yamghur süyini ichish bilen jan saqlap kelgen.

Tayland we malayshiyadiki yerlik gézitlerdin melum bolushiche, türmidin qachqan Uyghurlardin alte kishi tutulup qalghandin kéyin bu jaylardiki xitay elchixanisi we konsulxanisi derhal tayland hökümiti bilen alaqiliship, bu alte Uyghurni tézdin xti'aygha qayturup bérishni telep qilghan. Emma tayland hökümiti bu Uyghurlarning dölet teweliki aydinglashmighiche ularni héchyerge mangdurmaydighanliqini bildürgen.

Toluq bet