Тәйвәнниң литвада вәкил ишханиси ечиши хитайни сарасимигә салған

Мухбиримиз әркин
2021-11-22
Share

Тәйвәнниң өткән һәптидин башлап литвада тәйвән вәкили ишханиси ечип, ғәйрий рәсмий әлчихана сүпитидә рәсмий хизмәт башлиши хитайни қаттиқ сарасимигә салған. Литва билән тәйвән бу йил 7-айда ‍өз ара вәкил ‍ишханиси қуруп, хитай-тәйбей, дегән исимниң орниға рәсмий тәйвән, дегән исимни ишлитишни қарар қилған. Хитай һөкүмити буниңға қарита литваниң хитайда турушлуқ баш әлчисини қоғлап чиқарған шундақла ‍өзиниң литвадики баш әлчисини қайтуруп кәткәниди. Бирләшмә агентлиқиниң хәвәр қилишичә, хитай 22-ноябир күни өзиниң литвадики әлчиханисиниң дәриҗисини төвәнләткәнликини елан қилған.

Хитай ташқи ишлар министирлиқи литва билән болған мунасивәтниң 2-дәриҗилик дипломат сәвийәгә йәни вакаләтчи сәвийәсигә чүшүрүлгәнликини билдүргән. Хитай ташқи ишлар министирлиқиниң қаришичә, литваниң һәрикити “хитайниң игилик һоқуқи вә земин пүтүнлүкигә бузғунчилиқ қилғанлиқ” икән. У литва һөкүмитиниң “хаталиқни дәрһал түзитиши” ни тәләп қилған. Бирақ литва ташқи ишлар министирлиқи 21-ноябир елан қилған баянатида, хитайниң инкасидин әпсусланғанлиқини билдүргән. Баянатта ейтилишичә, литваниң “бир хитай сиясити” дә чиң туруш билән бир вақитта, тәйвән билән һәмкарлиқни кеңәйтиш, ғәйрий дипломатик мунасивәтләрни қобул қилиш вә орнитиш һоқуқи бар икән.

Литваниң қарариниң явропа-хитай мунасивәтлиригә қандақ тәсир көрситидиғанлиқи диққәт қозғиған. явропа парламентиниң әзаси, германийәлик сиясийон рейинһарт бүтикөкфер 21-ноябир твиттерда инкас билдүрүп, хитайниң давамлиқ хаталиқ садир қиливатқанлиқи, бу, явропа иттипақи-хитай арисида җиддийликни күчәйтидиғанлиқини билдүрүп, “чүнки, биз бейҗиңниң явропа иттипақи сияситини бәлгилишигә йол қоймаймиз” дегән. Униң ейтишичә, улар тәйвән вәкили ишханисиниң ечилишини “бир хитай сиясити” гә хилап, дәп қаримайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт