Xitay bu yilqi kelkün, boran apetlirining ziyinini élan qildi

Muxbirimiz méhriban
2016-07-26
Share

Xitayning shinxu'a agéntliqi qatarliq hökümet taratquliri 26-iyul küni xitaydiki apetning ziyinini azaytish ishxanisining mudiri yang shawdungning xitayda bu yil yaz peslide yüz bergen qattiq yamghur, kelkün, boran apetliri heqqidiki bayanatini élan qildi.

Xewerde nuqtiliq halda 7-ayning 18-künidin7-ayning 26-künige qeder shimaliy xitay rayoni, sherqiy shimal rayoni we sherqiy jenubi rayonlirida yüz bergen qattiq yamghur, kelkün, teyfing borini qatarliqlar tilgha élinip, 10 kün'ge yetmigen waqit ichide 137 milyon ademning apetke uchrighanliqi, 26-iyul etigen sa'et 9 gha qeder her xil apetlerde ölgenler sanining 1074 ademge yetkenliki, 400 ming éghiz öyning örülüp chüshkenliki, 6 milyon 240 ming ademning yötkep orunlashturulushi kéreklikini we biwasite iqtisadiy ziyanning 300 milyard somgha yéqin ikenlikini qeyt qilghan.

Emma, xitaydiki apet rayonliridin erkin asiya radiyosi qatarliq xelq'ara taratqularning ziyaritini qobul qilghan xitay puqraliri apet ehwalining téximu éghirliqini bildürüp, bezi kent, yézilarning qattiq yamghurdin kéyinki kelkünde pütünley su astida qalghanliqini, yerlik hökümet da'irilirining apette ölgenlerning heqiqiy sanini azaytip melumat bergenlikini bildürgen.

Xewerlerdin melum bolushiche, xitaydiki eng chong ammiwi tor béketliridin sina qatarliq birqanche tor békiti awwal öz aldigha xewer bermeslikke, hökümet taratqulirining xewirini köchürüp bérishke agahlandurulup, 25-iyul düshenbe künidin bashlap sina, soxu, sumurgh qatarliq tor béketliri buyruq bilen taqalghanliqi uqturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet