Uyghur diyaridin xitay ölkilirige gaz yötkesh miqdari ashmaqta

Xitayning herqaysi ölke we sheherliride "Kömür gazi ornigha tebi'iy gaz ishlitish" omumlashqandin buyan tebi'iy gazgha bolghan éhtiyaj tézdin ashqan. Buning bilen Uyghur diyaridin toshulidighan tebi'iy gaz zapisi jiddiy éshishqa bashlighan.

Xitay hökümiti bashqurushidiki shinxu'a agéntliqining 4-yanwardiki xewiride éytilishiche, xitay ölkilirining bu yil qish peslidiki tebi'iy gaz éhtiyaji ‍üchün "Gherbning gazini sherqqe toshush" qurulushi jiddiy dawam qilmaqta iken. Nöwette tarim néfitlikidin qéziliwatqan tebi'iy gazning omumi miqdari pütkül xitayning omumi mehsulatining altidin birige toghra kélidighan bolup, künlük qézilish miqdari 95 milyon küp métir iken. "Sina tori" ning 31-dékabirdiki xewiride bolsa nöwette shangxey shehiride bir kub métir tebi'iy gazning sétilish bahasi üch som ikenliki éytilghan. Shu boyiche hésablighanda nöwette tarim néfitlikidin künige 44 milyon amérika dolliri qimmitide tebi'iy gaz yötkelmektiken.

Halbuki, Uyghur diyarining özidiki minglighan onminglighan ige-chaqisiz kishilerning zimistan qishta issin'ghudek kömür élishqimu qurbi yetmey yürüwatqanliqini eskertken analizchilar "Bu tarixtiki mustemlikichi hakimiyetning yerlik xelqni bulang-talang qilishidiki eng yuqiri rékortlarning biri" dep körsetti.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar