Xotendin tépilghan qoghushun, zink kénini xitayning derhal échish pilani endishe qozghidi

Muxbirimiz erkin
2017-02-07
Élxet
Pikir
Share
Print

Xitay hökümiti 2016‏-yili séntebirde xoten nahiyesidin tépilghan zor kölemlik qoghushun, zink kénini bu yilning axirlirida ishlepchiqirishqa kirishtürüshni qarar qilghan. Da'irilerning bu pilani d u q da endishe qozghidi.

In'gliz tilidiki xitay axbarat wasitilirining 7‏-féwral ashkarilishiche, da'irilerning pilani xoten nahiyesidiki mezkur qoghushun, zink kénini bu yilning axirlirida ishqa kirishtürüp, yiligha az kem 2.5 Milyon tonna qoghushun, zink rudisi ishlepchiqiridiken.

Mutexessislerning agahlandurushiche, qoghushun, zink intayin zeherlik bolup, u ademlerning bolupmu balilarni nahayiti asan kardin chiqiridiken. D u q bayanatchisi dilshat rishit seyshenbe küni mezkur qurulushqa inkas qayturup, xitay da'irilirini bu qurulushni derhal toxtitishqa chaqirdi.

Dilshat rishitning qeyt qilishiche, "Bu kan xoten nahiyesining muhitini weyran qilip, xoten xelqining salametlikige éghir buzghunchiliq qilidiken." dilshat rishit yene, bu kan muhit we salametlikke ziyanliq bolghandin bashqa, "Xoten xelqining iqtisadigha héchqandaq payda élip kelmeydu. U yene köchmen kan ishchilirining éqip kirip, xotende nopusning köpiyishi netijiside, mal bahasi örlep, yerlik xelqning turmushini téximu qiyinlashturuwétidu" dédi.

Xitay axbarat wasitilirining ashkarilishiche, xoten nahiyesidin tépilghan kanda 19milyon tonna qoghushun, zink zapisi bar iken.

Toluq bet