Uyghur rayonidin chiqidighan kömür bilen ishlepchiqirilghan tok bitkoyin tenggisini yasashqa ishlitilidiken

Blombérg torining yéqinda bergen xewiride éytilishiche, bétkoyin tenggisini yasash üchün kétidighan erzan bahaliq tok, Uyghur rayonidin chiqidighan erzan bahaliq kömür bilen munasiwetlik iken.

Xewerde mundaq déyilgen: "Yéngidin ishlepchiqiriliwatqan bitkoyin tenggisi xitayning shinjang dégen jayidin chiqidighan erzan bahaliq kömür bilen ishlepchiqirilidighan tok bilen munasiwetlik bolushi mumkin. Yéqinqi yillardin béri, Uyghur musulmanliri uchrawatqan zulum tüpeylidin'shinjang'ning sésiq nami pur ketti. Halbuki bu rayon bitkoyin ishlepchiqirish merkizidur. Kambirij uniwérsitéti tetqiqatchisining bildürüshiche, 2020-yil 4-aygha qeder dunyadiki bitkoyinlarning üchtin ikki qismi xitayda ishlepchiqirilghan, uningmu yérimi dégüdek shinjangda ishlepchirilghan".

Xewerde bildürülüshiche, bu bitkoyinlarni yasash üchün heriketlinidighan kompyutérlar erzan bahaliq tokqa éhtiyajliq bolup, "Xizmet ispati" dégendek murekkep tenglime bilen meshghulat élip baridiken hemde üchinchi terep otturida bolmighan ehwalda sodini békitidiken, buninggha kömür kan xojayinlirimu chiqim qilidiken. Gherb elliride kömür isini yoqitish teshebbus qilinidighan bolup, buning eksiche, Uyghur rayonida kömür qalap hawa bulghash arqiliq tok chiqiridighan zawutlar köp iken.

Bitkoyin 2008-yil keship qilin'ghan reqemlik pul bolup, yéqinda tésla shirkitining bashliqi, dangliq karxanichi élan mask (Elon Musk) ning bu sodigha qétilishi bilen bitkoyn tenggisining qimmiti 50 ming dollargha yéqinlap qalghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar