Xitay da'iriliri ürümchi we toqsundiki köyüwatqan yer asti kömürlükni öchürüshke kirishken

Muxbirimiz erkin
2016.10.07

Xitay döletlik tereqqiyat -islahat komitéti Uyghur rayonida hazirgha qeder köyüwatqan ikki yer asti kömürlükni öchürüshke kiriship, uninggha 39 milyon dollar pul ajratqan.

Xitay hökümet axbarati‏-shinxu'a agéntliqining xewer qilishiche, Uyghur aptonom rayonluq tereqqiyat we islahat komitéti 39 milyon dollarning kelgüsi 3 yilda ürümchi we toqsundiki ikki yer asti kömürlükni öchürüshke ishlitilidighanliqini bildürgen.

Xitay hökümiti 2009‏-yili “5‏-Iyul weqesi”din kéyin, Uyghur rayonida zor kölemlik kömür éléktr istansilirini qurup, kömürini öz jayida istémal qilish, gherbning toki bilen sherqni teminlesh qurulushini yolgha qoyghan.
Lékin muhit qoghdighuchilarning ilgiri sürüshiche, mezkur qurulush éléktr énirgiyesige bolghan éhtiyajni qamdighan bolsimu, emma bu kömür istémalning artishini peyda qilip, Uyghur ilida muhitning bulghinishini éghirlashturghan.

D s t ning ikki kün awwal élan qilghan doklatida, Uyghur rayoni xitayda hawasi eng bulghan'ghan rayonlar qatarigha kirgen. Lékin shinxu'a agéntliqining ilgiri sürüshiche, ürümchi, toqsundiki köyüwatqan yer asti kömürlükni öchürüshke pul ajritishtiki meqset muhitni qoghdap, kömür zapisini saqlap qélishken.

Uyghur rayoni 19.2 Trili'on tonna kömür zapisigha ige bolup, u xitay kömür zapisi eng mol rayon. Hazir ürümchide köyüwatqan yer asti kömürlükning kölimi 310 ming kwadratmétirgha, toqsundiki kömürlükning kölimi 860 kwadratmétirgha yétip barghan.

Shinxu'a agéntliqining neqil keltürüshiche, her yili ürümchide 217 ming tonna, toqsunda 450 ming tonna kömür köyüp kétidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.