Xitay Uyghurlar diyaridiki néfitlik we gaz quduqliridin beshni kim artuq qilip satmaqchi

Muxbirimiz eziz
2017-12-05
Élxet
Pikir
Share
Print

Yéqinda xitayning dölet zémin-bayliq ministirliqi "Xitayning énérgiye bazisi" dep qariliwatqan Uyghurlar diyaridiki néfitlik we tebi'iy gaz quduqliridin beshining kim artuq bazirigha sélinidighanliqini élan qildi.

Roytéris agéntliqining 5-dékabirdiki xewiride éytilishiche, Uyghurlar diyaridiki néfitlik we gaz quduqliri ilgirimu bir qétim kim artuq bazirigha sélin'ghan iken. Bu qétimqi kim artuq sodisi üchün békitilgen néfitlik we gaz quduqliri tarim oymanliqida bolup, kim artuq sodisigha qatnashquchi shexsler yaki shirketlerning kem dégendimu bir milyard som(151 milyon amérika dolliri) luq meblighi bolushi kérek iken.

Xitay hökümitining axbaratlirida bu yil Uyghurlar diyarida néfitlik we gaz quduqliridin 30ni kim artuq sodisigha salghanliqi éytilidu.

Analizchilar bu heqte pikir qilip, buning Uyghurlar diyaridiki yer asti bayliqining qézilish qedimini téximu tézlitidighanliqini, emma buning yerlik xelq bolghan Uyghurlargha héchqandaq iqtisadiy menpe'et élip kelmeydighanliqini tekitlimekte.

Dunya Uyghur qurultiyining bayanatchisi dilshat réshit bu heqte söz qilip: "Döletlik néfit we gaz shirketlirining bu xildiki bayliq qézish pa'aliyitige emdi xususiylar igidarchiliqidiki shirketlerning qoshulushi Uyghurlar diyaridiki bayliqning ichkirige toshulush miqdarini ashuridu, xalas. Shuning bilen birge yer asti bayliqini qézish jeryanida pütkül rayonning muhitigha bolghan buzghunchiliqning kölimi téximu ashidu" dédi.

Toluq bet