Bultur Uyghur élida tebi'iy apetler eng köp yüz bergen yil boldi

Muxbirimiz irade
2015-01-28
Share


Xitay da'iriliri 2014 - yili Uyghur éli hawa rayi kélimatida "Tarixta eng éghir weziyet" shekillen'genlikini, qurghaqchiliq,,kelkün, qum borini, shiwirghanliq qar apiti qatarliqlar eng köp yüz bergenlikini bildürdi.

Xitay xewerler torining 26 - yanwardiki xewiride Uyghur aptonom rayonluq hawarayi idarisining "Rayonning 2014 - yilliq kélimati, muhiti we tesir qilghan sewebler" namliq xizmet doklatidin neqil élinip, "2014 - Yilidiki nachar hawa rayi kélimati déhqanchiliq, charwichiliq, qatnash shundaqla bu rayonda yashawatqan xelqning hayatigha, salametlikige éghir ziyan élip keldi. 408 Ming adem tebi'iy muhitning biwaste ziyinigha uchridi. Biwaste iqtisadiy ziyan 2 milyard somgha yetti. Bu ehwal rayon kélimati we muhiti tarixida körülgen eng éghir ehwal" dégen bayanlar bérildi.

Xewerde bultur bir yilda rayonda köp qétim körülgen nachar hawa rayi kélimati, bu sewebtin yüz bergen qum borini, shiwirghan, kelkün, tagh gömürülüsh weqelirining muhit buzghunchiliqi sewebidin bolghanliqi tilgha élin'ghan. Emma bu xil apet xaraktérlik hawa rayini keltürüp chiqarghan konkrét sewebler tilgha élinmidi. Rayondiki yerlik Uyghurlarning inkaslirida bolsa, xitay shirketlirining köp yillardin buyan yerlik déhqan, charwichilarning térilghu yerliri we otlaqlirini igiliwélip, muhitni éghir derijide bulghaydighan kanlarni xalighanche échishi, ximiyiwi tashlanduqi bar zawutlarni köplep qurushi netijiside rayon muhitigha éghir weyranchiliq keltürgenliki bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet