Xitay 2016-yilida tarim néfitlikidin qéziwélin'ghan 19 milyard 300 milyun kup métir tebi'iy gazni xitay ölkilirige toshup ketken

Muxbirimiz qutlan
2017-02-12
Share


Xitay hökümiti aldinqi hepte tarim néfitlikidin qéziliwatqan néfit we tebi'iy gaz zapisi heqqide bir qisim istatéskiliq melumatlarni élan qilghan.

Shinxwa agéntliqi tarqatqan bu heqtiki xewerde xitayning 2016-yilida tarim néfitlikidin jem'iy 23 milyard 562 milyun kup métir tebi'iy gaz qazghanliqi, buning 19 milyard 300 milyun kup métirini xitay ölkilirige toshup ketkenliki bildürülgen.

Mezkur xewerde déyilishiche, xitay hökümiti 2016-yili tarim néfitlikide "Uxlap yatqan" 52 néfit quduqini yéngidin achqan bolup, uningdin ötken bir yilda jem'iy 54 ming tonna néfit, 900 milyun kup métir tebi'iy gaz qaz qazghan.

Xitay hökümet taratquliri ötken yili xewer bérip, tarim néfitlikidin turuba arqiliq sherqqe toshup bériliwatqan tebi'iy gazning changjyang deryasining ottura we töwen éqimidiki 400 milyundin artuq xitay ahalisining yéqilghu éhtiyajini qamdawatqanliqini ashkarilighan idi.

Közetküchiler, Uyghur diyarining nöwette xitayning eng chong énérgiye bazisi bolup qalghanliqini, bu yerde qéziliwatqan néfit we tebi'iy gazning mutleq köp qismining turuba arqiliq xitay ölkilirige toshulup kétiliwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet