Хитайниң тәһдит хетиниң чехийә парламент рәисиниң өлүшигә сәвәб болғанлиқи пәрәз қилинди

Мухбиримиз әзиз
2020-04-29
Елхәт
Пикир
Share
Принт

Хитай һөкүмитиниң дуня миқясида ортақ қаршилиққа дуч келиватқанлиқи чех җумһурийити парламентиниң рәиси, чехниң иккинчи номурлуқ сиясий рәһбири ярослав кубураниң өлүмидин кейин техиму рошән аян болди.

«Америка хәвәрлири» ториниң бу һәқтики хәвиридә ейтилишичә, 2020-йили 20-январда чех парламентиниң рәиси кубура уштумтут қаза қилғаниди. Шу вақитта у хизмәт мунасивити билән тәйвәндә зиярәттә болушқа тәйярлиниватқан икән.

Ройтерс агетнлиқиниң хәвиридә ейтилишичә, йеқинда хитайниң чех җумһурийитидики баш әлчиханисидин кубураға әвәтилгән бир парчә мәктуп байқалған болуп, мәктупта «чех җумһурийитиниң вәкили тәйвәнни зиярәт қилидиған иш болса рәис кубура хитай хәлқ җумһурийитидә қарши елинмайду» дейилгән. Шундақла бу зиярәт әмәлгә ашса буниң чех җумһурийитигә «бәкму еғир вә күтүлмигән көңүлсизлик елип келидиғанлиқи», чех җумһурийитиниң «скода» аптомобиллириниң хитай базиридин сиқип чиқирилидиғанлиқи ейтилған.

Нөвәттә әһвалдин хәвәрдар кишиләр мәзкур тәһдит хетиниң кубураға еғир роһий бесим вә зәрбә болғанлиқини, буниң болса униң уштумтут өлүмигә сәвәб болуши еһтималлиқини алға сүрмәктә икән.

Пикирләр (0)
Share
Толуқ бәт