Хитай һөкүмити уйғур елидики тәбиий газ ишләпчиқириш миқдарини һәдәп өстүрмәктә

Мухбиримиз ирадә
2019-10-24
Share

Хитай хәвәрләр ториниң 24-өктәбир күни тарқатқан хәвиригә қариғанда, уйғур елидики җуңғар нефитликигә қарашлиқ қарамил нефит вә тәбиий газ райониниң йиллиқ ишләпчиқириш миқдарини ашуруш хизмити тамамланған.

Хәвәрдин мәлум болушичә, җуңғар ойманлиқидики қарамил тәбиий газ райони вә униңға қошна бир қисим газ қезиш районлирида хитай даирилири тәбиий газ қудуқлириға урулидиған бесимни ашуруш вә чоңқур йәр астида газини тез сүрәттә совутуш арқилиқ тәбиий газ қезиш сүритини бирақла нәччә һәссә ашурған икән.

Буниң билән қарамил тәбиий газ районидики газ мәһсулатларниң қезилиш сүрити вә миқдари бирақла ешип, йиллиқ суюқландурулған газ ишләпчиқириш миқдари 100 миң тонниға йәткүзүлгән.

Һалбуки, уйғур дияридики нефт, тәбиий газ қатарлиқ бу байлиқларниң йәрлик хәлқ болған уйғурларға һечқандақ иқтисадий мәнпәәт елип кәлмәйватқанлиқи мәлум.

Шинхуа ториниң 21-өктәбир күни тарқатқан бир хәвиригә қариғанда, тарим нефитлики һазирғичә ишләпчиқарған тәбиий газ миқдари 240 милярд куб метирдин ешип кәткән. Бу газлар туруба йоллири арқилиқ 15 тәк хитай өлкисиниң чоң-кичик 120 дин артуқ шәһиригә тошулуп, 400 милйон аһалә вә 3000 дин артуқ завут-карханини газ билән тәминлигән икән.

Мәлум болушичә, ғәрбий-шимал нефитлики тәвәсидин қезиливатқан тәбиий газниң йиллиқ қезилиш миқдари тоққуз йилдин буян изчил 1. 4 Милярд куб метирдин артуқ болуп кәлгән.

Уйғур анализчилар бу һәқтә пикир баян қилип, хитай һөкүмитиниң һәдәп уйғур елидики көп қисим наһийә вә йезиларни «намрат» дәп тәшвиқ қилип кәлгәнликини, әмма уйғур дияридики йәр асти байлиқлириниң һәммисини дегүдәк хитай өлкилиригә тошуп кетиватқанлиқини тәкитлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.