Xitay ten jazasi arqiliq érishken her qandaq delil inawetsiz ikenlikini élan qildi

Muxbirimiz erkin
2016.10.10

Xitay hökümiti düshenbe küni gumandarlarni urup iqrar qildurush cheklinidighanliqini bildürüp, ten jazasi arqiliq érishken herqandaq delil mehkimide inawetsiz ikenlikini élan qilghan.

B d t kishilik hoquq kéngishi we xelq'ara teshkilatlar xitayda gumandarlargha ten jazasi bérish ehwali, bolupmu tibet we Uyghur rayonida siyasiy mehbuslargha ten jazasi bérish ehwali omumyüzlük hadise ikenlikini ilgiri sürüp, xitaydin ten jazasigha xatime bérishni telep qilip kelgen idi.

Xitay aliy soti, aliy teptish mehkimisi, xitay j x ministirliqi, dölet bixeterlik ministirliqi we edliye ministirliqi 10‏-öktebir “Jinayi ishlar dawa qa'idisini islah qilish heqqidiki pikir” ni élan qilip, gumandarlargha zorawanliq, tehdit we bashqa qanunsiz wasitilerni ishlitip, delil toplash yaki mejburiy iqrar qildurushni choqum toxtitishni telep qilghan.

“Pikir”de yene, herqandaq kishini jinayetni mejburiy üstige élip, uni ispatlashqa qistimasliqni, her qandaq soraq ölchemlik soraq meydanida élip bérilip, toluq kaméragha élinishi kéreklikini bildürgen.

Bu, xitay hökümitining tunji qétim uqturush chiqirip, ten jazasini cheklishi emes. Xitay aliy soti 2013‏-yili bu xil uqturush chiqirip, ten jazasini chekligen.

Emma kishilik hoquq adwokatlirining qarishiche, xitayning yéngi chiqarghan belgilimisining ijra qilinishi gumanliq iken. Ular, xitayda ten jazasini cheklesh qararigha xilapliq qilghuchilarni jazalaydighan ünümlük méxanizm yoqluqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.