Бу йиллиқ нобел тинчлиқ мукапати пакистанлиқ қиз малала вә һиндистанлиқ сатйратиға берилди

Мухбиримиз әркин
2014-10-10
Share

Норвегийә нобел комитети җүмә күни 2014‏-йиллиқ нобел тинчлиқ мукапатиниң 17 яшлиқ пакистанлиқ қиз оқуғучи вә маарип паалийәтчиси малала йүсүпзай билән һиндистанлиқ балилар әмгикигә қарши туруш паалийәтчиси кайлаш сатяртиға берилгәнликини елан қилди. Буниң билән малала йүсүпзай нобел мукапатиға еришкән әң яш мукапат саһиби болуп қалди.

Малала буниңдин бир қанчә йил аввал, пакистанниң суват вадиси мингора базирида талибанларниң һуҗумиға учрап еғир яриланған. У савақдашлириға башчилиқ қилип, талибанниң қизларға оқуш чәклимиси қойғанлиқиға қарши турған. Қизлар маарипини тәшәббус қилип, дуняға тонулған. Буниң билән талибанлар бир күни мәктәп аптобусини тосуп, малалани оққа тутқан. У бешидин еғир яриланған болсиму, бирақ қутқузувелинған иди.

Һиндистанлиқ сатярти 1980‏-йиллардин бери изчил балиларни қул қилиш вә мәҗбури әмгәккә селишқа қарши туруп кәлгән паалийәтчи. У өз һәрикити арқилиқ нәччә миңлиған бала қулниң қутқузулуп, уларни әслигә кәлтүрүш вә тәрбийәләшниң ғәлибилик йолини ечип бәргән. Бирақ уму бир қанчә қетим суйиқәсткә учриған болсиму, бирақ һаят қалған иди.

Нобел комитетиниң рәиси торбйеон җагланд, һиндистанлиқ бир һинди билән пакистанлиқ бир мусулманниң "маарип үчүн вә радикаллиққа қарши ортақ күриши" ни мукапатлаш муһим әһмийәткә игә, дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт