Bu yilliq nobél tinchliq mukapati pakistanliq qiz malala we hindistanliq satyratigha bérildi

Muxbirimiz erkin
2014-10-10
Share

Norwégiye nobél komitéti jüme küni 2014‏-yilliq nobél tinchliq mukapatining 17 yashliq pakistanliq qiz oqughuchi we ma'arip pa'aliyetchisi malala yüsüpzay bilen hindistanliq balilar emgikige qarshi turush pa'aliyetchisi kaylash satyartigha bérilgenlikini élan qildi. Buning bilen malala yüsüpzay nobél mukapatigha érishken eng yash mukapat sahibi bolup qaldi.

Malala buningdin bir qanche yil awwal, pakistanning suwat wadisi min'gora bazirida talibanlarning hujumigha uchrap éghir yarilan'ghan. U sawaqdashlirigha bashchiliq qilip, talibanning qizlargha oqush cheklimisi qoyghanliqigha qarshi turghan. Qizlar ma'aripini teshebbus qilip, dunyagha tonulghan. Buning bilen talibanlar bir küni mektep aptobusini tosup, malalani oqqa tutqan. U béshidin éghir yarilan'ghan bolsimu, biraq qutquzuwélin'ghan idi.

Hindistanliq satyarti 1980‏-yillardin béri izchil balilarni qul qilish we mejburi emgekke sélishqa qarshi turup kelgen pa'aliyetchi. U öz herikiti arqiliq nechche minglighan bala qulning qutquzulup, ularni eslige keltürüsh we terbiyeleshning ghelibilik yolini échip bergen. Biraq umu bir qanche qétim suyiqestke uchrighan bolsimu, biraq hayat qalghan idi.

Nobél komitétining re'isi torbyé'on jagland, hindistanliq bir hindi bilen pakistanliq bir musulmanning “Ma'arip üchün we radikalliqqa qarshi ortaq kürishi” ni mukapatlash muhim ehmiyetke ige, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet