Үрүмчиниң тәңритағ районидики 90 нәччә кона олтурақ мәһәллә йеңилинидикән

Мухбиримиз әзиз
2020-05-19
Елхәт
Пикир
Share
Принт

«Шинҗаң гезити» ниң 10-майдики хәвиридә ейтилишичә, үрүмчи шәһәрлик һөкүмәт йеқинда тәңритағ районидики 90 нәччә олтурақ мәһәллини өзгәртип йеңилайдиғанлиқини җакарлиған.

Хәвәрдә үрүмчиниң тәңритағ райониға җайлашқа бу олтурақ мәһәллиләрдики кишиләргә «раһәт» вә «бихәтәр» болған турмуш муһити яритип берилидиғанлиқини билдүрүлгән.

Хәвәрдә ейтилишичә, буниңда кона бина өйләрниң сиртини йеңилаш, уларға лифит орнитиш, биналарниң су йоллирини ремонт қилиш һәмдә көкәртиш қатарлиқлар асас қилинидикән. Бу қурулуш бу йил май ейиниң ахирида тамамлинидикән. Буниңдин бәһримән болидиғанлар 21 миң кишидин ашидикән.

Мәлум болушичә, 2009-йилидики «5-июл вәқәси» дин кейин үрүмчидики башқа наһийә-шәһәрләрдин келип олтурақлишип қалған көплигән уйғурлар әсли юртлириға көчүрүветилгән болуп, нөвәттә тәңритағ райони аһалисиниң мутләқ көп қисмини хитайлар тәшкил қилмақта икән.

Анализчилар бу һәқтә пикир қилип, «бу хитай һөкүмитиниң үрүмчидики хитай пуқралирини хатирҗәм қилиш тәдбири. Улар мушу арқилиқ өзлириниң ичкиридин нопус көчүрүш сияситини техиму көп хитайларға тәшвиқ қилмақчи,» деди.

Пикирләр (0)
Share
Толуқ бәт