Uyghur tenterbiye cholpanliri xitay metbu'atlirida köplep teshwiq qilinmaqta

Muxbirimiz eziz
2018-06-28
Share

Ötken heptidin bashlap xitayning herqaysi axbarat wasitiliride Uyghur diyaridin yétiship chiqqan Uyghur tenterbiye cholpanliri heqqide köplep xewerler otturigha chiqishqa bashlidi. Bolupmu Uyghur boks cholpanliridin memettursun chongning 2018-yili jakartada ötküzülidighan asiya tenheriket musabiqisige qatnishish salahiyitige érishkenliki hemde uning xitay boks komandisi terkibide musabiqige baridighanliqi xitay bashqurushidiki "Tengritagh" tori we bashqa jaylarda köplep yer alghan.

Uyghurlardin yétiship chiqqan waskétbol cholpanliri qatarida abdusalam abduréshitmu yéqindin buyan xitay axbaratlirida köplep teshwiq qiliniwatqanliqi melum. Bu yil 22 yashqa kirgen abdusalam bu yilning ichide amérikidiki dangliq waskétbol komandiliridin sekkizide top oynighan bolup, bulardin "Los anzhélis kölchiliri", "Broklin torliri", "Sumurgh quyashliri" qatarliqlar amérikida kishiler eng yaxshi köridighan top komandiliri iken. Xewerlerdin melum bolushiche, abdurushét bu yil amérikidiki eng nopuzluq kespiy waskétbol etriti bolghan NBA gha xitay tewesidin qobul qilinish éhtimalliqi bolghan birdin-bir shexs iken.

Xitay hökümiti 2018-yilining béshida Uyghurlardin yétiship chiqqan putbol cholpini érpan hézimni "Chet'elge chiqqan" dégen "Jinayet" bilep eyiblep "Siyasiy terbiyelesh merkizi" ge élip ketken idi. Bu xewer dunyadiki herqaysi axbarat wasitiliride köplep xewer qilin'ghandin kéyin, xitay hökümitining Uyghurlargha qaratqan basturush siyasetliri her sahe kishiliri arisida küchlük ghulghula qilin'ghan. Közetküchiler bu heqte pikir qilip, "Xitay hökümitining nöwette Uyghur tenterbiye cholpanlirini teshwiqatqa élip chiqishi ularning yene bir qétim dunya jama'itining közini boyimaqchi bolghanliqini körsitidu. Ular mushu arqiliq Uyghurlarning qandaq 'bextiyar' turmush kechürüwatqanliqini ispatlimaqchi," déyishmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet