Xitay da'iriliri Uyghur aptonom rayonida teptish xadimlirini teqibleshke bashlighan

Muxbirimiz erkin
2021-10-29
Share

Xitay da'iriliri Uyghur aptonom rayonida teptish xadimlirigha qarita nazaret élip bérishke bashlighan. Melum bolushiche, da'iriler mexsus komitét qurup, teptish xadimlirining xizmet ipadisini nazaret qilidiken. Xitay da'iriliri 2017-yili bashlan'ghan Uyghur élidiki chong tutqunda teptish organliridin tutqunlargha qanuniy tertiplerni qayrip qoyup jaza bérishni telep qilghan. Bu ehwal qismen bolsimu bezi teptish emeldarlirini bi'aram qilghan. ""Shinjang géziti" ning xewer qilishiche, da'iriler 28-öktebir küni ürümchide 19 kishidin teshkil tapqan "Aptonom rayonluq teptishler intizam komitéti" namliq bir komitét qurghan.

Xewerde, bu komitétning ezalirining 3 yilliq muddet bilen wezipe öteydighanliqi bildürülgen. Melum bolushiche, bu komitétning wezipisi "Teptish emeldarlirining teptishlik mes'uliyitige xilapliq qilghan-qilmighanliqi, qesten xilapliq qilghan-qilmighanliqi, éghir xataliq sadir qilghanmu, adettiki xataliq sadir qilghanmu yaki teptishlik mes'uliyitige xilapliq qilmighanmu?" dégenlerni békitishni öz ichige alidiken. Xewerde, bu komitétning qurulush meqsitining teptish emeldarliri teptish mehkimilirining bashqiche pikir-iltimaslirini közdin kechürüp uni qarar qilghanda ularning edliye herikitini qéliplashturushqa pikir bérish" ikenliki bildürülgen.

"Shinjang géziti" ning éytishiche, bu komitétning tesis qilinishi "Edliye jawabkarliqi tüzümi islahatini téximu chongqurlashturup, edliye sistémisi islahatini ilgiri sürüshning muhim tedbiri" iken. Xitay hökümiti chong tutqunda edliye sépidiki nurghun Uyghur kadirlirini "Merkezning yéngi dewrdiki shinjangni bashqurush istratégiyesige qarshi chiqti yaki estayidil ‍iqrar qilmidi" dégen seweb bilen jazalighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet