"Ürümchi-sanji-shixenze yuqiri téxnika tereqqiyat rayoni" qurulup béyjingning biwasite bashqurushigha ötküzüp bérilmekchiken

Muxbirimiz irade
2018-11-29
Share

Uyghur élining shimalidiki ürümchi, sanji we shixenzidin ibaret üch sheher "Yuqiri téxnika tereqqiyat échiwétish rayoni" dégen namida birleshtürülüp, xitay merkizi hökümitining biwasite bashqurushigha ötküzüp bérish pilanlanmaqtiken.

Tengritagh torining 28-noyabir künidiki xewirige qarighanda, xitay dölet ishliri kabinéti Uyghur élining ürümchi, sanji, shixenze qatarliq 3 shehirini döletning biwasite bashqurushidiki atalmish "Yuqiri téxnika tereqqiyat échiwétish rayoni" qilip qurup chiqishni qarar qilghan.

Yuqiriqi bu xewer chet'ellerdiki Uyghur közetküchilerning jiddiy diqqitini qozghidi. Ularning qarishiche, yuqiriqi bu üch sheherni birleshtürüp xitay merkiziy hökümitining biwasite bashqurushigha ötküzüp bérish xitayning "Milliy térritoriyelik aptonomiye qanuni" gha pütünley xilap iken. Biraq tengritagh torining bu heqtiki xewiride yuqiriqi üch sheher isimlirining xitayche qisqartilmisi boyiche atalghan "Wuchangshi dölet bashqurushidiki yéngiliq yaritish nemune rayoni" qurulushini "Bir belwagh bir yol" qurulushigha türtke bolush, muqimliq we uzun muddetlik eminlikni qoghdashqa paydiliq ikenlikini ilgiri sürgen.

Halbuki, Uyghur közetküchiler xitay hökümitining bu herikitini uning Uyghur élining jenubiy we shimalini ikki ölke qilip ayriwétish pilanining bir qismi bolushi mumkinlikini mölcherlimekte. Ular xitay hökümitining mushundaq bir pilani barliqi heqqide ilgirimu nurghun qétim gheyriy resmiy shekilde uchurlar tarqalghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.