"үрүмчи-санҗи-шихәнзә юқири техника тәрәққият райони" қурулуп бейҗиңниң биваситә башқурушиға өткүзүп берилмәкчикән

Мухбиримиз ирадә
2018-11-29
Share

Уйғур елиниң шималидики үрүмчи, санҗи вә шихәнзидин ибарәт үч шәһәр "юқири техника тәрәққият ечиветиш райони" дегән намида бирләштүрүлүп, хитай мәркизи һөкүмитиниң биваситә башқурушиға өткүзүп бериш пиланланмақтикән.

Тәңритағ ториниң 28-ноябир күнидики хәвиригә қариғанда, хитай дөләт ишлири кабинети уйғур елиниң үрүмчи, санҗи, шихәнзә қатарлиқ 3 шәһирини дөләтниң биваситә башқурушидики аталмиш "юқири техника тәрәққият ечиветиш райони" қилип қуруп чиқишни қарар қилған.

Юқириқи бу хәвәр чәтәлләрдики уйғур көзәткүчиләрниң җиддий диққитини қозғиди. Уларниң қаришичә, юқириқи бу үч шәһәрни бирләштүрүп хитай мәркизий һөкүмитиниң биваситә башқурушиға өткүзүп бериш хитайниң "миллий территорийәлик аптономийә қануни" ға пүтүнләй хилап икән. Бирақ тәңритағ ториниң бу һәқтики хәвиридә юқириқи үч шәһәр исимлириниң хитайчә қисқартилмиси бойичә аталған "вучаңши дөләт башқурушидики йеңилиқ яритиш нәмунә райони" қурулушини "бир бәлвағ бир йол" қурулушиға түрткә болуш, муқимлиқ вә узун муддәтлик әминликни қоғдашқа пайдилиқ икәнликини илгири сүргән.

Һалбуки, уйғур көзәткүчиләр хитай һөкүмитиниң бу һәрикитини униң уйғур елиниң җәнубий вә шималини икки өлкә қилип айриветиш пиланиниң бир қисми болуши мумкинликини мөлчәрлимәктә. Улар хитай һөкүмитиниң мушундақ бир пилани барлиқи һәққидә илгириму нурғун қетим ғәйрий рәсмий шәкилдә учурлар тарқалғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт