Уйғурлар диярида янфонға тосуқ атлаш әплирини орнитиш “2-дәриҗилик” террорлуқ җинайити һесаблинидиғанлиқи бекитилгән

Мухбиримиз әзиз
2016.10.24

“америка авази” радиосиниң хоңкоң ахбаратлиридин нәқил кәлтүргән мәлуматлириға асасланғанда, уйғурлар дияридики җамаәт хәвпсизлик тармақлириниң янфонларға тор тосуқлиридин бөсүп өтүштә қоллинилидиған әпләрни орнатқан кишиләрни “2-дәриҗилик террорлуқ” җинайити билән әйибләватқанлиқи мәлум болмақта.

Санҗи шәһиридики мәлум бир тор абонти интернетқа елан қиливәткән дело материялидин мәлум болушичә, 13-өктәбир күни җ х тармақлири тәрипидин “2-дәриҗилик террорлуқ васитиси” дәп бекитилгән тор тосуқлирини бөсүп өткүчи бирнәччә әпни тордин чүшүргән бир киши қолға елинған. Әһвалдин хәвәрдар шәхсләрниң билдүрүшичә, у кишиниң тордин чүшүргини тор тосуқлирини бөсүп өтүштә көп қоллинилидиған даимлиқ әпләрниң бири икән.

Хәвәрдә ейтилишичә, хитайниң һазир интернет бихәтәрлики намида йолға қоюватқан бир қатар қаттиқ қоллуқ башқуруш тәдбирлири йәрлик пуқралар арисида “бай-ғоҗамлар от қойса һеч инсанниң кари йоқ, пуқраларниң шам йеқишиға һечқачан иҗазәт йоқ” дегән қошақ шәклидә мәсхирә қилинмақта икән. Шуниң билән биргә, кишиләр йәнә даириләрниң бу хилдики чарилирини “террорлуққа қарши һәрикәтниң чәктин ешип кәткәнликиниң ипадиси” дәп қаримақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.