Uyghurlar diyarida yanfon'gha tosuq atlash eplirini ornitish “2-Derijilik” térrorluq jinayiti hésablinidighanliqi békitilgen

Muxbirimiz eziz
2016.10.24

“Amérika awazi” radi'osining xongkong axbaratliridin neqil keltürgen melumatlirigha asaslan'ghanda, Uyghurlar diyaridiki jama'et xewpsizlik tarmaqlirining yanfonlargha tor tosuqliridin bösüp ötüshte qollinilidighan eplerni ornatqan kishilerni “2-Derijilik térrorluq” jinayiti bilen eyiblewatqanliqi melum bolmaqta.

Sanji shehiridiki melum bir tor abonti intérnétqa élan qiliwetken délo matériyalidin melum bolushiche, 13-öktebir küni j x tarmaqliri teripidin “2-Derijilik térrorluq wasitisi” dep békitilgen tor tosuqlirini bösüp ötküchi birnechche epni tordin chüshürgen bir kishi qolgha élin'ghan. Ehwaldin xewerdar shexslerning bildürüshiche, u kishining tordin chüshürgini tor tosuqlirini bösüp ötüshte köp qollinilidighan da'imliq eplerning biri iken.

Xewerde éytilishiche, xitayning hazir intérnét bixeterliki namida yolgha qoyuwatqan bir qatar qattiq qolluq bashqurush tedbirliri yerlik puqralar arisida “Bay-ghojamlar ot qoysa héch insanning kari yoq, puqralarning sham yéqishigha héchqachan ijazet yoq” dégen qoshaq sheklide mesxire qilinmaqta iken. Shuning bilen birge, kishiler yene da'irilerning bu xildiki charilirini “Térrorluqqa qarshi heriketning chektin éship ketkenlikining ipadisi” dep qarimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.