Sabiq "Teshwiqat nemunichisi", tutqun patigül dawutning salametlik ehwali a'ilisini endishige salmaqta

Muxbirimiz shöhret hoshur
2018-01-17
Élxet
Pikir
Share
Print

Korladiki "Milletler ittipaqliqi ülgisi" naman bawudun ötken ayda ziyaritimizni qobul qilghan waqtida ayali - sabiq "Teshwiqat nemunichisi" patigül dawutning "Terbiyelesh merkizi" de ikenliki we uning salametlikidin endishe qiliwatqanliqini bildürgen idi.

Melum bolushiche, patigül dawut yéqinqi 10 yil ichide 3 qétim opératsiye qildurghan. Deslepki qétimda öti éliwétilgen, ikkinchi qétimida yürek opératsiyesi qildurghan, eng axirqi qétimda 2014‏-yili qatnash weqesige uchrap opératsiyede sönggichige tömür parchisi orunlashturulghan.

Eng yéqinqi éniqlishimiz netijiside patigül dawutning téxiche "Terbiyelesh merkizi" de ikenliki, a'ilisining yoqlishigha hazirghiche ruxset bérilmigenliki aydinglashti. Patigül dawutning a'ilisi qurghan gilem karxanisidiki ishchilardin atalmish "Chataq" chiqqanliqi, yeni ishchilar karxanida qol téléfondin diniy tebligh anglighanliqi üchün, u ishchilar bilen birlikte tutqun qilin'ghan.

Salametlik tekshürüshidin ötelmigenliki üchün "Terbiyelesh merkizi" din qayturulghan naman bawudun 3 qétim opératsiye qilin'ghan ayalining tutulushtin burun salametlik tekshürüshi élip barghan yaki barmighanliqi, élip barghan bolsa tekshürüsh netijisining qandaq bolghanliqi heqqide héchqandaq melumatqa ige emesken.

Toluq bet