Xitay öz teshwiqat apparatining ajizliq qiliwatqanliqini körsetken

Muxbirimiz ümidwar
2016-06-09
Share


Xitay merkiziy intizam tekshürüsh komitéti tor bétide charshenbe küni élan qilghan doklatida xitay kommunist partiyesi teshwiqat apparatining xizmetlirini yétersizlik bilen eyibligen.

Melum bolushiche, xitay merkiziy komitét teshwiqat bölümi bu yil féwraldin bashlap ikki ay tekshürülgen.

Doklatta intizam tekshürüsh komitéti bayanatchisi wang xu'eychénning éytqanliridin neqil élip körsitishiche, tekshürüsh netijisi xitay yuqiri derijilik rehberlirini memnun qilalmighan, ular mezkur bölümning idé'ologiye, xelq pikrini yéteklesh jehetlerde qilghan xizmetlirining kütkendek yaxshi bolmighanliqini körsitishken.

Uning bildürüshiche, sen'etni sotsiyalizm üchün xizmet qildurushqa qaritilghan yéteklesh müjmel bolghan we aliy mekteplerde siyasiy pelsepige yéterlik ehmiyet bérilmigen. Uningdin bashqa, axbarat saheside xewerlerning qaratmiliqi yétersiz bolghan bolup, teshwiqat bölümi partiyining axbaratni kontrol qilishtek yétekchi rolini toluq emeliyleshtürüshte meghlup bolghan.

Mezkur doklatning élan qilinishi xitayda axbarat sahesi, öktichiler, kishilik hoquq adwokatlirigha qaritilghan basturush hessilep kücheytilgen mezgilge toghra keldi.

Bu yil baharda xitay re'isi shi jinping xitaydiki nopuzluq axbarat organlirining bash shtablirini ziyaret qilip, ularning axbarat mewqesini tekshürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet