Amérikaning tokluq aptomobil shirkiti tésla ürümchide tunji aptomobil sétish merkizi achqan
2022.01.03
Amérikining dangliq tokluq aptomobil shirkiti tésla ürümchide özining tunji aptomobil sétish merkizini achqan. Téslaning xelq'ara kishilik hoquq teshkilatliri gérmaniye aptomobil shirkiti wolkéswagén'gha uning ürümchidiki aptomobil zawutini taqash toghrisida qattiq bésim ishlitiwatqan bir waqitta, ürümchide aptomobil sétish merkizi échishi diqqet qozghighan.
Közetküchilerning éytishiche, téslaning bu herikiti kishilik hoquq teshkilatlirini, bolupmu amérika prézidénti “Uyghur mejburiy emgikining aldini élish qanuni” gha imza qoyup, Uyghur élide ishlepchiqirilghan mejburiy emgek mehsulatlirini chekligen bir waqitta téximu ümidsizlendüridiken.
“Xitay tokluq aptomobil xewerliri pochtisi” gézitining xewer qilishiche, téslaning Uyghur élidiki mezkur aptomobil sétish merkizi ürümchining “Midong aptomobil sheherchisi” de échilghan bolup, 1620 kwadrat métirliq bir da'irini igiligeniken. Xewerde, hazir téslaning ürümchide ikki, pütün Uyghur élide jem'iy yette derijidin tashqiri tok qachilash ponkiti barliqi, bu ponkitlarda 36 derijidin tashqiri tok qachilighuch barliqi bildürülgen. Xewerde éytilishiche, téslaning ürümchidiki sétish merkizi sétish, mal yetküzüsh mulazimiti we kéyinki xéridarlar mulazimiti bilen shughullinidiken.
Téslaning xelq'arada xitay Uyghurlargha irqiy qirghinchiliq qilish bilen eyiblinip, uni jawabkarliqqa tartish chuqanliri küchiyiwatqan bir waqitta bu sétish merkizini échishigha qandaq amillarning türtke bolghanliqi melum emes. Gérmaniye kishilik hoquq teshkilatlirining ashkarilishiche, öz waqtida wlkéswagénning ürümchide zawut échish niyiti bolmighan bolsimu, biraq xitay hökümiti uning ürümchide zawut échishini qattiq telep qilip, buni uning xitaydiki sodisigha shert qilip qoshqaniken.
Köp körülgen xewerler
RFA
- Ürümchidiki meshhur bina—“Rabiye qadir soda sariyi” ning chéqiwétilgenliki delillendi
- Kanada hökümitining on ming Uyghurni orunlashturushining tunji qedimi muweppeqiyetlik bésildi
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- Rishat abbas amérika dölet mejliside Uyghur tili, medeniyiti we xatirisini qoghdashqa téximu köp iqtisad ajritishqa chaqirdi
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”