Teywendiki gomindang re'isi "Gomindang - kompartiye söhbiti"ge qatnishidu

Muxbirimiz ümidwar
2015-04-12
Élxet
Pikir
Share
Print


Teywendiki gomindang partiyesi re'isi ju lilün özining mexsus bir wekiller ömiki teshkillep, 2 - 3 - may künliri shangxey shehiride ötküzilidighan ikki qirghaq soda - iqtisad we medeniyet muhakimisige qatnishidighanliqini bildürgen.

B b s agéntliqining xewer qilishiche, mezkur ikki qirghaq soda - iqtisad we medeniyet muhakimisi emeliyette gomindang - kompartiye söhbitidin ibaret bolup, mezkur pa'aliyet da'im gomindang - kompartiye söhbiti depmu atilidu. Bundaq bolushidiki seweb mezkur pa'aliyetni teywendiki gomindang partiyesi bilen chong quruqluqtiki kompartiye biwasite we birlikte teshkilligen iken.

Gomindang - kompartiye söhbiti aldi bilen gomindang partiyesi re'isi lyen jen 2005 - yili tunji qétim chong quruqluqni ziyaret qilip, eyni waqittiki xitay kompartiyesi bash sékritari xu jintaw bilen uchrashqandin kéyin bashlan'ghan hemde ikki partiyening 60 yilliq düshmenlikige xatime bérilgen idi.

Teywendiki gomindang partiyesi re'isi ju lilünning shangxeydiki pa'aliyettin kéyin béyjingda xitay kompartiyesi bash sékritari shi jinping bilen körüshüsh éhtimalliqi bildürülmekte.

Toluq bet