Xitay, teywen mesiliside amérikigha resmiy yosunda naraziliq bildürgen

Muxbirimiz irade
2017-07-17
Élxet
Pikir
Share
Print

Firansiye agéntliqining éytishiche, düshenbe küni xitay tashqi ishlar bayanatchisi lu kang bayanat bérip, Amérikining 2018‏-yilliq Mudapi'e xamchot qararidiki teywen'ge alaqidar bezi maddilargha qarita amérikigha resmiy yosunda naraziliq bildürüp, qararni qattiq eyibligenlikini bildürgen. U sözide "Xitay amérika bilen teywen arisidiki herqandaq yosundiki herbiy almashturush we yéqinlishishqa qet'iy qarshi turidu" dep tekitligen.

Amérikining 2018‏-yilliq herbiy xamchotigha a'it layihiside teywen'ge a'it bir qatar maddilar bar bolup, u teywen bilen herbiy telim-terbiyini kücheytish, teywenning mudapi'e rasxotini ashurush qatarliqlarni öz ichige alidu. Uningda yene, amérika déngiz armiyisining teywenning gawshyung we bashqa muwapiq déngiz portlirida toxtap ötüshi we amérika tinch okyan qomandanliq shtabining teywende toxtap ötüshni iltimas qilishigha ruxset bérishke a'it maddilarmu bar. Amérika déngiz armiyisi bundaq ziyaretlirini 1979-yili "Bir xitay" siyasitini qobul qilghandin buyan toxtatqan bolup, eger bu eslige kelse , u halda amérikining "Bir xitay" siyasitidiki meydanidimu özgirish bolghanliqidin dérek béridiken. 

Jüme küni mezkur layihe dölet mejlisi awam palatasi teripidin maqullan'ghan  bolup, bu, kéngesh palatasi teripidin maqullan'ghandin kéyin prézidént trampning imzasi  bilen küchke ige bolidighan bolghachqa, trampning qandaq yol tutidighanliqi diqqet tartmaqta. Ötken ay amérika teywen'ge bir yérim milyard dollargha yéqin qimmettiki herbiy qoral sétip bérishni qararlashturush arqiliq xitayni qattiq narazi qilghan idi.

Toluq bet