Тәйвән һөкүмити «моңғул-тибәт комитети» ни тарқитивәтмәкчи

Мухбиримиз әзиз
2017-11-28
Елхәт
Пикир
Share
Принт

Тибәт сәргәрдан һөкүмитиниң тор бетидики мәлуматларға қариғанда, сәй йиңвен тәйвәндә һакимийәт бешиға чиққандин буянқи «хитайлишишни түгитиш» һәрикитиниң бир қәдими сүпитидә 28-ноябир буйруққа имза қоюп, бу йилниң ахирида «моңғул-тибәт комитети» ни тарқитиветишни тәстиқлиған.

Тәйвәндики һакимийәт йүргүзүватқан демократик тәрәққият партийәсидин болған палата әзаси ли чүнйи бу һәқтә сөз қилип, «ишлар һазир өзгәрди. Шуңа чоң қуруқлуқтики моңғул вә тибәтләргә даир ишларни бир яқлиқ қилидиған бу комитетқа һазир еһтияҗ йоқ» дегән. Хитайниң «ваңйи» торидики хәвәрләрдә ейтилишичә, бу комитетни бикар қилиш һәққидики тәклипләр илгириму оттуриға чиққан болсиму әмәлийләшмигән икән. Әмдиликтә болса «тәйвән билән хитай охшаш бир дөләт» дегән қарашқа җан-җәһли билән қарши болған сәй йиңвен тәйвәнниң хитай дөлити әмәсликини көрситишниң бир қәдими шәклидә бу комитетни бикар қилиш қарарини алған.

Тибәт сәргәрдан һөкүмитиниң рәиси доктор лобсаң саңгай тәйвән һөкүмитиниң бу қарарини қизғин қарши алидиғанлиқини билдүргән. 

Алақидар материяллардин мәлум болушичә, гоминдаң һөкүмити 1928-йили «моңғул-тибәт комитети» ни тәсис қилип, моңғуллар вә тибәтләргә даир сиясий вә иқтисадий ишларни бир яқлиқ қилип кәлгән. Әйни вақитта гоминдаң һөкүмитиниң ишғалидики «шинҗаң өлкиси» ниң рәиси ву җоңшин бу комитетниң мудирлиқини өтигән. 1949-Йили гоминдаң һөкүмити чоң қуруқлуқтин тәйвәнгә чекингәндин кейин мәзкур комитетму тәйвәнгә йөткәлгән. Әмма шуниңдин буян өз ролини җари қилдуруштин қелип қалған икән.

Пикирләр (0)
Share
Толуқ бәт